“Ўлим хорликдан афзалдир”
Эрон, Россия ва Туркия бошчилигида амалга оширилган Остона жараёнида эришилган келишувга нисбатан қаршиликлар давом этмоқда. Суриядаги гуруҳларнинг катта қисми мамлакатнинг бўлинишига ва Асад режимининг давом этишига имконият яратадиган ушбу келишувга тиш тирноқлари билан қарши чиқишмоқда. Асадга қарши мамлакат жанубида кураш олиб бораётган мухолифат гуруҳлардан бири “Жайш-ул Муҳаммад” Остона шартномасига қарши эканликларини эълон қилиб, “Ўлим хорликдан афзалдир, бу бизнинг маҳкам тутган шиоримиздир”, номли баёнот чиқарди.
“Бу қаҳрамон халқ Сурия инқилобида юз минглаб шаҳидлар берди. Сон-саноқсиз инсонлар тан жароҳати олди”, “Сурияда яқинларидан бири ўлдирилмаган ёки зиндонларга ташланмаган бирор киши қолмади, бироқ халқаро ҳамжамият ўзини билмаганга олиб, сукут сақламоқда”, “Режим жиноятини жазосиз қолдирадиган, ўлдирилган, қувғин қилинган ва қамоқларга ташланган кишилар тақдиридан кўз юмадиган ва рус босқинчиларини кафил сифатида кўрадиган мазкур битим инқилобчиларни мустамлака даврига қайтаради”, “Халқаро жамоатчиликка шуни эслатиб қўймоқчимизки, Бизнинг ҳаракатимиз ямоқ ёки ислоҳот ҳаракати эмас. Тоғут ва фасодга қарши табиий ва ҳар бир жиҳатни ўз ичига оладиган инқилобий ҳаракатдир. Суриянинг ичида ва ташқарисида Сурия даъвосига самимий ёрдамчи бўлаётган ҳар қандай кишини тубдан инқилоб ясаш йўлида ҳамкорлик қилишга ва инқилобга қарши режаларни барбод қилишга чақирамиз”, дейилади Остона жараёнини танқид остига олган баёнотда.
“Жайш-ул Муҳаммад” гуруҳининг таъкидлашича, АҚШ ва Россия ўртасидаги сўнги келишув Сурияни бўлиб ташлаш, халқни қамал қилиш ва босқинчиларни кучайтиришни кўзда тутган келишувлардан биридир.
