Гунгор Авчиўғли: Халифалик давлатини қайта эълон қилиш лозим
Туркияда чиқадиган “Милод” газетасининг шарҳловчиси Гунгор Авчиўғли ўз мақоласида Халифаликни қаламга олиб, Халифалик давлати қайта эълон этилиши лозимлиги ҳақида ёзди.
Авчиўғли мақоласида мусулмонларнинг бошини бириктирадиган давлати йўқлиги сабабли куфр олами мусумонларга нисбатан ўзлари истагандек муомала қилаётганига ишора қилади. Авчиўғлининг таъкидлашича, агар мусулмонларнинг бошида битта халифаси бўлганда эди, бугунги ҳор аҳволга тушмаган бўларди.
“Азиз дўстлар, дунёни бошқараётганлар мусулмон дунёси билан, гўё мушук сичқон билан ўйнагани каби ўйнашмоқда. Бунинг сабаби Ислом дунёсини бирлаштириб тартибга келтирадиган бир ҳокимиятнинг йўқлигидир. Айбга буюрмайсиз, бугун амалда Халифалик давлати бўлса эди, ҳеч қачон Ислом дунёси бошига бундай кунлар тушмас эди. Авваламбор Ислом дунёси бундай парча-парча бўлиб кетмас эди. Энг муҳими дунёга ҳукмронлик қилаётганлар мусулмонлар орасига бунчалик осонлик билан фитна сола олмас эди. Худо ҳаққи, айтингчи, Ислом оламида бир ҳокимият бўлса эди, битта дин вакиллари (бир бирига қарши) осонликча уруш ёқасига кела олармиди? Йўқ, асло бундай бўлмас эди. Биз мусулмонлар сифатида ўзимизга келиб, Халифаликни қайта эълон қилмасак, нефтимизнинг ҳам, тупроқларимизнинг ҳам биз учун ҳеч қандай нафи йўқ. Биз бир-биримиз билан жанг қилар эканмиз, улар эса бор-йўғимизни олиб кетишганлигини билмай ҳам қоламиз, сўнг биз шунга лойиқмиз деб ўтираверамиз. Азиз дўстларим, агар Ислом дунёсида бирлик, бутунлик бўладиган бўлса, бу фақат Халифалик соябони остидагина амалга ошади”, дейди Гунгор Авчиўғли ўзининг мақоласида.
