Назарбоев конституцияга киритилган тузатишларни имзолади
“Kun.uz”нинг хабар қилишича, Қозоғистон президенти Нурсултон Назарбоев мамлакатнинг конституциясига киритилган тузатишларни имзолади. Унга кўра президентнинг қатор ваколатлари парламент ва ҳукуматга берилади.
“Давлат раҳбари “Қозоғистон республикаси конституциясига ўзгартириш ва қўшимчалар киритиш тўғрисида”ги қонун лойиҳасини имзолади”,- дейилган хабарда.
Ўтган ҳафтада Қозоғистон парламенти конституцияга киритиладиган ўзгартиришлар лойиҳасини биринчи ўқишда маъқуллаганди.
Ҳужжатда мамлакат асосий қонунининг давлат тармоқлари ўртасида ваколатларни тақсимлашга қаратилган 23та моддасига ўзгаришлар киритилиши кўзда тутилган.
Таклиф этилган тузатишлар парламент ролини кучайтириш, ҳукумат мустақиллиги ва масъулиятини оширишга қаратилган. Қонун лойиҳаси, шунингдек, суд тизими ва прокуратуранинг конституциявий асосларига аниқлик киритади.
Туркистон:
Ислом Каримовнинг кутилмаганда ўлиб қолиши ортидан, унинг оила аъзоларига кўрсатилаётган салбий муносабатлар Нурсултон Назарбаев ва Алмазбек Атамбаевни хавотирлантира бошлади.
Қирғизистонда авторитар режим ўрнатилган эмас. Шунинг учун бу мамлакатда қаттиқ силкиниш кутилмайди. Лекин Қозоғистонда Назарбаев президент бошқаруви асосидаги авторитар режим ўрнатиб олган. Унинг режими бир томондан Ўзбекистондаги Каримов режимини эслатади. Ўзбекистоннинг янги президенти Шавкат Мирзияев собиқ президентнинг оиласи ҳомийлиги остида шакилланган ҳар бир тармоқ вакилларини алмаштириб, бутун бир системани янгилаб боряпти. Каримовлар оиласига тегишли бизнес тармоқлари, мол мулк ва жамиятдаги обруй-эътиборлари тортиб олиняпти. Шунга ўхшаш ҳолат, албатта Назарбаев ва Атамбаевлар оила аъзоларини ва яқинларини ҳам кутяпти.
Шунинг учун Назарбаев бошқарув салоҳияти тугагунига қадар, етакчилик салоҳиятини Қизига олиб бериш мақсадида реформалар бошлаб юборди. Қирғизистонда Алмазбек Атамбаев ҳам референдум ўтказиб, бошқарув тизгинини парламентга олиб бериш мақсадида жиддий ҳаракатлар олиб боряпти. Атамбаев парламентда ўз партияси диктатурасини ўрнатиб олмоқчи. Назарбаев эса, парламендаги партиявий диктатураси устига қизини олиб келиб, кўзи тириклик вақтида режимни унга бўйин синдириб бермоқчи.
