Қирғизистонда “ўлимга чорловчи” ўйин ваҳимаси
Қирғизистонда “ўлимга чорловчи” ўйин ҳақида жуда кучли ваҳима кўтарилиб боряпти. Лекин шу кунгача бу ўйин касофатидан бирорта бола ҳалок бўлгани ҳақида малумот тасдиқлангани йўқ. Бу ҳақида ўспиринлар устида иш олиб бориш инспекция бошқармасининг етакчиси маълум қилди.
“Қирғизистонда, шу кунгача бирорта ўспирин шу ўйин касофатидан ҳалок бўлганлиги ҳақида бир дона ҳам далилли факт йўқ”, деди ИИМнинг ўспиринлар устида иш олиб бориш инспекциясининг собиқ раҳбари Азамат Абдураҳманов, “kloop.kg” билан эксклюзив суҳбати вақтида.
4 февраль куни “Сентябр” телеканали орқали, Ильич Кулназаровнинг фейсбук саҳифасида ёзган “Сырдуу жүктүн толкунун токтоткон – “Синий кит же я в игре” оюндары” мақоласи ўқиб эшиттирилди. Маколада ёзилишича “қонли ўйин” ваҳимаси, 16 январ куни Дача-суу қишлоғига қулаб тушган самолёт ичидаги қимматбаҳо юклар кимга оид эканлигини аниқлаш ҳақида кучайиб бораётган ҳаракатлардан чалғитиш мақсадида, атайин ўйлаб топилган.
Туркистон:
Шу кунларда Бишкек ва унинг атроф районларидага мактабларда, ўқувчиларни тинтув қилиш ва чўнтак телефонларини текшириш ишлари кучайиб боряпти. Орган ходимларининг бу ҳатти-ҳаракатлари, ошкора, ваҳимали ва шов-шув билан олиб борилаётгани ҳақида хабарлар мавжуд. Бундан ташқари бу тинтувлар ва шахсий телефонларни текшириш амалиётлари тегишли ҳужжатларсиз ёки суд санкцияси бўлмаган ҳолда конунга зид равишда олиб бориляпти. Ота-оналар ва жамоатчилик икки гуруҳга бўлиниб қолишди. Яъни баъзилари бу ҳаракатларни маъқулласа, қолганлари бу чора-тадбирларга қарши фикр билдириб чиқишмоқда.
Аслида бунақанги оммавий текширувлар ёки оммавий қаршилик ҳаракатлари фақат оммавий қирғин ёки шунга ўхшаш хатар пайдо бўлганида, ё йирик табиий офатнинг олдини олиш мақсадида, ёхуд эпидемия тарқаган ҳолдагина амалга оширилиши мумкин. Бундан ташқари, ҳали ҳеч кимнинг ҳаётига хавф солгани тасдиқланмаган ўйинни олдини олиш учун бундай чора-тадбирлар қўлланилмайди. Ҳатто бу ўспиринларга хавф туғдиряпти дейилаётган ўйиндан, улар айтаётган даражада хавф келяпти, деб тасаввур қилган тақдиримизда ҳам, уни тўсиб қолиш чора-тадбирлари, милиция ходимларининг юқоридаги ваҳима билан шов шув кўтариб олиб бораётган ҳатти ҳаракатлари орқали олиб борилмайди, бу тарзда муолажа ҳам қилинмайди. Аксинча, бу мақсадсиз ва тадбирсиз ҳаракатлар ўспиринларни шу ўйинга тарғиб қилиб, билмаганларга ҳам билдириб, реклама қилиб беради. Мабодо бу ўйин фарзандларимизни ўз домига тортиб, уларнинг ҳаётларига хавф ёки зарар етказган тақдирда ҳам, унга қарши милиция орқали қўрқитиш йўли билан курашиб бўлмайди. Чунки ўз жонига қасд қилишни мақсад қилган ўспириннинг орган ходимлари тарафидан қўрқитилиши уни ўз мақсади сари янада илгарилаб боришга ундайди. Чунки улар кўтараётган қалбаки ваҳималарни рост деб қараганимизда ҳам, бу муаммо – куч билан ҳал қилиб бўлмайдиган муаммо ҳисобланади. Бу ишга, жамиятимизнинг бетайинлиги ва динсизлигидангина келиб чиқадган бузуқ мафкуранинг таъсири деб баҳо бериш мумкин холос.
Демак, орган ходимларини ишга солаётган ҳукумат кучларининг мақсади бошқа. Улар бу ўйинни ўзларининг жамиятдаги таъсирини кучайтириб олиш учун атайин ўйлаб топишгани рост. Яъни, фуқороларни ўз фарзандларининг ташвиши билан чалғитиб, жамиятни йўқ ваҳима билан оввора қилиб қўишмоқчи бўлишяпти. Бу чалғитувчи тактика фуқороларни исломий хавф хатарлардан қўрқитув ишлари билан паралел олиб бориляпти. Мақсадлари, юқоридаги мухбирлар ва бошқа таҳлилчилар айтишаётганидек, етакчиликка қарши оёққа турган сиёсий мухолиф қувватнинг ҳаракатларидан халқни чалғитишдир. Бу иш матбуотни бошқа тарафга буриб юбориш учун, шунингдек матбуот орқали фуқороларни контробанда йўли билан кириб келаётган самолёт ичидаги қимматбаҳо товарларга бўлган қизиқишларидан чалғитиш мақсадида амалга оширилаётган йирик афёранинг давоми бўлиши мумкин. Ҳукуматнинг бу ҳатти-ҳаракатлари, самалёт ичида жиноий, контробанда мол мулклар бор бўлганига ва бу мулк эгалари президент атрофидаги унга яқин шахслар ва юқори лавозим эгалари эканига яна бир бор ишора қилади.
Эътиборли жойи шундаки, ҳукумат ўз манфаатлари йўлида нафақат исломий жамоатчиликни, балки ўспирин фарзандларимизни ҳам сиёсий интригалар қурбонига айлантириб юборишга тайёр экан. Улар ўз ҳатолари ва бошқарув системасининг нотўғри асоси сабабли юзага келаётган бало офатларни ёпиб юбориш мақсадида шу каби жирканч амалиётларга қўл уришяпти. Бир неча маротаба қўпорув амалиётларини уюштиришди. Унинг ортидан юзлаган мусулмонларни таъқиб қилиб, қамаб юборишди. Қамоқхонада ҳам мусулмонларга алоҳида зулмлар ташкиллаштириб, жамиятнинг исломий таъсирини заифлаштириш ишларини олиб боришяпти. Охирги вақтда президент атрофидагиларнинг жиноий ишлари фош бўла бошлади. Огоҳ бўлайлик улар ўзларининг жиноий ишларини ёпиш мақсадида ҳар бир тармоқни қурбон қилиб юборишлари мумкин!!!
