Яна бир “терроризм”ни молияловчи қўлга олинди
МХДҚ матбуот хизматининг хабар қилишича, Бишкек шаҳрида халқаро “террорчилик” ташкилотини молиялаштириш ташкилотчиларидан бири сифатида гумон қилинган 33 ёшли шахс қўлган олинди.
Хабарда айтилишича, 2 феврал куни қўлга олинган гумондор шахс 2012 йили Миср ва Сурияда диний таълим олган. Ўша вақтларда халқаро террорчи ташкилотлар билан алоқа ўрнатиб, экстремистик ташкилотларни қўллаш мақсадида араб давлатларидан бирида тижорат ишлари билан шуғуллана бошлаган.
Гумондор 2015 йили Қирғизистонга келиб радикал гуруҳларни молиялаш мақсадида ўз ишини давом эттирган. Айни вақтда гумондор МХДҚ тергов ҳибсхонасида сақланяпти.
Сўнги вақтларда Миллий хавфсизлик давлат қўмитаси (МХДҚ) Қирғизистонда “терроризм”ни молиялаштиришни кўзлаган фуқаролар қўлга олинаётгани ҳақида тез-тез хабар бермоқда.
Ўтган ҳафтада ҳам МХДҚ Қирғизистон ҳудудида террорчиликни молиялаштириш мақсадида хорижий валютани тайёрлаш, ўтказиш ва сотиш билан шуғулланган уюшган гуруҳни қўлга олингани, уларнинг ёнидан 56 минг доллар миқдорида қалбаки банкнотлар топилгани ҳақида хабар қилган эди.
Туркистон:
“Ўрмонга ўт кетса, ҳўлу қуруқ баробар ёнади” деганларидек, Қирғизистонда сиёсий кескинликлар яна кучая бошлади. Бу сиёсий интригалар илмоний сиёсий тўдалар орасида юз берябди. Яъни, улар бир бирлари билан ҳокимият тизгинини талашишмоқда. Лекин бу кураш ифлос ва бетайин услублар билан давом этмоқда. Илгари Акаев ва Бакиевни қувиб юборишаётганида ҳам, бу каби курашнинг жуда ифлос ва маданиятсиз услубларига гувоҳ бўлган эдик. Ҳатто ҳозирги кунгача улар бир бирларини толон-тарож қилганликда айблаб келишади.
Ачинарлиси шуки, улар бу арзимас креслолар учун олиб боришаётган курашларига мусулмонларни ҳам аралаштиришга ҳаракат қилишяпти. Яъни, Акаев ҳам Бакиев ҳам, охирги вақтларида, Ислом ва мусулмонлардан жуда катта хавф келаябди, деган ваҳима билан жамиятни чалғитмоқчи бўлишган эди. Улар ҳам худди ҳозиргидек мусулмонларни ўлдириб, қамаб, жамиятни тозалашаётгандек қалбаки ҳаракатлар ясашган эди. Лекин улар кутган экстремистик хавф мусулмонлардан эмас, айнан ўзларининг бир вақтлардаги сафдошлари ва бир элита вакиллари бўлган демократик партия вакиллари томонидан уюштирилди ва амалга оширилди. Ўша экстремистик йўл билан ҳокимиятни қўлга олган тўдалар ҳозир етакчилик қилиб келишяпти. Ҳатто ўша экстремистлар президентни қувиб юборганларидан кейин пайдо бўлган сиёсий бўшлиқ пайтида ҳам исломий жамоалар бош кўтаришмади. Чунки, исломий сиёсий жамоа ёки моддий фаолият олиб бораётган бирорта жамоа ўша пайтда ҳам Қирғизистон давлатини эгаллаб олиш мақсадида ҳаракат олиб борган эмас, ҳозир ҳам бу мақсадда ҳаракат олиб бормаябди.
Сегизбаев бошчилигидаги МХДҚ ходимлари жамиятни чалғитиб, сохта ваҳималар билан жамоатчилик фикрини мусулмонлар томон бурмоқчи бўляпти. Гўё тарих яна қайталанаётгандек. Ҳозирги ҳокимият вакиллари худди аввалги ҳокимият вакиллари каби иш юритишмоқда. Мавжуд ҳокимиятнинг собиқ етакчилар ҳаракатларини такрорлаши, уларнинг ҳозирги қисматларини ҳам бошдан кечиришларига сабаб бўлиши мумкин!
Гарчи бир неча мусулмонлар тарафидан бирор қўпорув ҳаракати уюштирилган тақдирда ҳам, бу иш бутун исломий муҳитга ва бошқа мусулмонларга қарши кураш бошлаш ҳуқуқини бермайди. Ҳатто бирор ҳодисага таяниб ҳужум бошлашга матбуотнинг ҳам ҳаққи йўқ. Фақат жиноятчининг ўзи, қилган жинояти учун жавоб бериши керак. Худди вазирлар, бош вазирлар, президентларлар, уларнинг атрофидаги жиноий тўдалари ва оила азолари сингари. Акаев ва Бакиевларни жиноий жавобгарликка тортиш ортидан, Қирғизистонда президентлик лавозими бекор қилинмадику. Ёки ўша президентларни жиноятчига айлантирган оламий илмоний бошқарув системасини ҳам улоқтириб ташламаяпмизку. Яна ўша илгариги президентнинг атрофидагилар президент бўлишди, вазирлар ва бошқа амалдорлар ҳам эски элита вакилларидир. Бошқарув системаси ҳам худди илгариги мафкура асосида давом этяпти!!
Сўзимиз охирида шундай деймиз: Куфр системаси асосидаги бу ифлос курашга мусулмонларни аралаштирмай, бир бирларинг билан олишаверинглар. Ҳар бир жиноий ишга исломий тус бериб, уни сиёсийлаштиришга уринмаглар!
