Президент Атамбаев Ҳиндистонга учиб кетди
Президент аппаратининг хабар қилишича, Алмазбек Атамбаев 18 декабр куни иш сафари билан Ҳиндистонга жўнаб кетди. Иш сафари доирасида Атамбаев Ҳиндистон президенти Пранаб Кумар Мукержи, вице-президент Муҳаммад Ҳамид Ансори, бош вазир Наренда Моди билан учрашади ва қирғиз-ҳинд бизнес форумида иштирок этади.
Бундан ташқари, Атамбаевнинг сафар давомида бир қатор иккитомонлама ҳужжутларга қўл қўйилади.
Ҳиндистондан қайтиб келганидан сўнг Алмазбек Атамбаев Россиянинг Санкт-Петербург шаҳрида бўлиб ўтадиган Коллектив хавфсизлик шартномаси ташкилоти (КХШТ)нинг навбатдан норасмий саммитида иштирок этади.
Шу билан бирга Атамбаев январ ойининг бошида Хитойга ҳам сафар қилиши белгиланган.
