Муслим: Россия Сурияни Халифалик давлатининг бир қисмига айланиб қолишдан қутқарди
Сурия демократик иттифоқи партиясининг (PYD) раҳбари Солиҳ Муслим Россиянинг Суриядаги ҳарбий амалиётларини олқишлаб чиқди. Муслимнинг таъкидлашича, Россиянинг бу амалиётлари минтақани Халифалик давлатининг бир қисмига айланиб қолишидан сақлаб қолмоқда.
Россия ҳарбийлари тарафидан 2015 йил 30 Сентабрда бошланган “террорга қарши кураш” амалиётларининг бир йиллиги муносабати олдидан рус қўшинларининг фаолиятига юқори баҳо берган PYD раҳбари Солиҳ Муслим Россия бу амалиётлари билан Москванинг халқаро аренададаги ўрнини мустаҳкамлаб бораётганига урғу берди. Муслимга кўра, Россия Суриядаги ҳарбий ҳаракати билан ягона қутбли тартибга чек қўйган.
Шунингдек, Муслим Россиянинг бу амалиётлари сабабли Вашингтоннинг террорчиларга бўлган кўз қараши ўзгарганлигини ҳам айтиб ўтар экан, Америка Қўшма Штатлари ҳам айрим террор ташкилотлар билан турли шаклда яқинлаша бошлаганлигига эътибор қаратди.
Муслим сўзи давомида PYD ўзининг сиёсатини ўзгартираётганига ишора қилиб, Москва шаънига мақтовлар ёғдирди. PYD раҳбарининг бу ҳаракати Россия билан яқин мусобатлар ўрнатишга уриниш сифатида баҳоланмоқда.
Айни пайтда Россия ва Асад кучлари Сурия аҳолисига нисбатан ҳужумларини кучайтирди. Охирги бир ҳафта ичида камида минг фуқаро ҳалок бўлди. Ҳужумда тинч аҳолига қарши вакм бомбалар қўлланмоқда.
