Эрдогон Санкт-Петербургга ташриф буюради
Туркия президенти Ражаб Эрдогон 9 август куни Санкт-Петербургга ташриф буюради. Бу ҳақида Туркия бош вазир ўринбосари Меҳмет Шимшек Россия бош вазир ўринбосари Аркадий Дворкович билан бўлиб ўтган учрашув чоғида маълум қилди.
“Элчи жаноблари президентимизнинг 9 август куни Петербургда бўлишини тасдиқлагани ҳақида хабар берди”, – деди Шимшек.
Ўз навбатида, Россия президенти матбуот-котиби Дмитрий Песков президент Владимир Путин мамлакат хавфсизлик кенгаши вакиллари билан Туркия президенти Ражаб Эрдогоннинг ташрифи борасида гаплашиб олгани ҳақида хабар қилди.
Бундан ташқари, Путин учрашув чоғида Эрдогон ҳамда (исроил) бош вазири Бинямин Нетаняхулар билан ўтказилган телефондаги суҳбатларни ҳам муҳокама қилди. Бундан ташқари Путин Дмитрий Медведев ва Сергей Шайгу билан учрашиб, турли масалалар ҳақида гаплашди.
