Ницца қурбонлари сони 84 нафарга етди
14 июл куни кечқурун юк машинаси Франциянинг Ницца шаҳрида Инглиз қирғоқлари бўйида Бастилия ишғол қилинган кун муносабати билан мушакбозликни томоша қилишга тўпланган кишилар устига юк машинаси бостириб бориши орқали содир этилган теракт қурбонлари сони ошди. Франция ИИВ маълумотига кўра, қурбон бўлганлар сони 84 нафарга етди.
Маълум қилинишича, жароҳатланган ҳолда шифохонага етказилганлардан 18 кишининг аҳволи оғирлигича қолмоқда. Шунингдек, 50 киши “нисбатан енгил даражадаги жароҳатлар” билан шифохонада қолмоқда. Яна 120 киши психологлар ва қутқарув хизматлари ходимларига мурожаат қилган.
Гувоҳларнинг маълумотларига кўра, юк машинаси тўхтамасдан эгри-бугри чизиқ бўйлаб қарийб 2 километргача одамларни босиб борган. Ҳужум қилган шахс одамларга қарата ўқ ҳам узган. У полиция кучлари томонидан йўқ қилинган.
Маҳаллий Nice Matin нашрининг ёзишича, рулни асли тунислик бўлган 31 ёшли ниццалик бошқарган.
Франция бош вазири Манюэл Вальс мудофаа кенгаши йиғилишида, президент қарори билан Ниццедаги хужум қурбонлари хотирасига 16,17 ва 18 июл миллий мотам кунлари деб эълон қилиниши ва бугундан бошлаб байроқлар тушурилишини маълум қилди.
