Араб давлатлари лигасининг ожизлиги

Араб давлатлари лигаси 22та давлатдан ташкил топган бўлишига қарамай, Исроил қаршисида ўзининг ожизлигини кўрсатди. Бу лига Исроил жиноятларини тилга олар экан, уни танқид қилиш билан чекланиб, халқаро ҳамжамиятни Исроилга кўпроқ босим ўтказишга чақирди.

Некбе (Буюк фалокат) 68 йиллиги муносабати билан лига тарафидан чиқарилган ёзма баёнотда Исроилнинг Фаластин аҳолисига нисбатан ўзбошимчаликлари, ирқчилик ва минтақада урушни алангалатадиган ҳаракатлари танқид қилинди. Яҳуд зулми остидаги Фаластин ҳудудларида инсоний жиноятларни содир этаётган Исроилга халқаро ҳамжамият томонидан янада кўпроқ босим ўтказилиши талаб қилинди.

Араб давлатлари лигаси Исроилга қарши самарали кураш олиб бора олмаслиги ҳамда Фаластинлик мусулмонлар тақдирини Исроилнинг қўлига топшириб, халқаро кучлардан ёрдам сўраб ўтириши бу лиганинг ожизлиги сифатида қабул қилинмоқда. Лига тарафидан Исроил жиноятлари танқид қилинаётган бир пайтда мазкур лиганинг асосчиси ва энг муҳим, эътиборли аъзоси бўлган Саудия Арабистони қироли Салмон бин Абдулазизнинг Исроил раҳбари Бинямин Нетаяҳга сайлов харажатлари учун 80 миллион доллар берганлиги ошкор бўлди.

Шунингдек, лига ўзнинг баёнотида мусулмонларнинг қирғин қилинишига ҳар доим сукут сақлаб келан Бирлашган Миллатлар Ташкилотига мурожаат қилиб, уни ҳам Исроилга босим ўтказишга чақирди.

“БМТ Бош Ассамблеясида 1948 йил декабр ойида тасдиқдан ўтган қочқинлар билан боғлиқ халқаро қарорларнинг, айниқса 194 сонли қарорнинг ижроси учун Исроилга кўпроқ босим ўтказиш лозим”, дейилади Араб давлатлари лигаси тарафидан чиқарилган ёзма баёнотда.

Фаластинликлар 1948 йил 14 май куни босиб олинган ҳудудларда яҳуд давлатининг эълон қилиниши ва Фаластинликларнинг мажбуран кўчириб юборилиши сабабли бу кунни Некба (Буюк фалокат) сифатида ёдга олишади. Фаластин манбаларига кўра, бу кунда 750 000 киши Фаластинни ташлаб кетишга мажбур қилинган. Исроилликлар эса бу кунни байрам сифатида нишонлашади.