Кеча Туркия пойтахти Анқаранинг қоқ марказида бомба ҳужуми содир этилди. Портлаш оқибатида 34 киши ўлганлиги ва 125 киши жароҳат олганлиги айтилмоқда. Бундан ташқари ҳодиса жойида бир қанча автомобиллар ёниб кетган ва кўплаб бинолар зарар кўрган.
Ҳодиса ортидан Туркия бош вазири Аҳмад Давутўғли, ички ишлар вазири Ефкан Ала, соғлиқни сақлаш вазири Меҳмет Муаззинўғли ва адлия вазири Бекир Бўздоғ иштирокида йиғилиш ташкил қилинди. Йиғилишдан сўнг ички ишлар вазири Ефкан Ала баёнот берди.
“Кечки пайтларда “Қизил ой”даги автобус бекатларида йўлловчиларга нисбатан бомба юкланган автомобил билан ҳужум содир этилди. Биз бу террор ҳужумини лаънатлаймиз. Буни амалга оширганлар ҳеч қачон мақсадларига ета олмайди”, деди вазир.
Анадолу ахборот агентлиги воқеа жойига етиб келган матбуот вакилларига баъзи чекловлар қўйилганлигини билдирди. Агентликка кўра, Телекоммуникация вазирлиги портлашда ҳалок бўлган ёки жароҳат олган кишиларнинг тасвирларини ижтимоий тармоқларда тарқатишни таъқиқлаган.
Ҳизб ут-Таҳрир Туркия вилояти мазкур ҳужумни қоралаб баёнот чиқарди. Баёнотда Аллоҳ Азза ва жалладан ҳалок бўлганлар учун раҳмат, уларнинг оилаларига сабру-жамил ва жароҳат олганларга шифо сўралгандан сўнг давлат амалдорларига қуруқ танқид қилиб қўйиш натижа бермаслигини айтилиб, уларни амалга ўтишга чақирилди. Баёнотда таъкидланишича, бундай ҳолатлардан қутилишнинг ягона йўли АҚШ ва Ғарб давлатларини дўст тутиш билан эмас, балки Исломга қайтиш билангина амалга ошади.
“Аввал содир этилган ҳужумлар каби бу ҳужумнинг ҳам орқасида албатта мустамлакачи Ғарб давлатлари турибди. Чунки бетартибликларни келтириб чиқариш, террорчи ташкилотларни қўллаб-қувватлаб, улардан ўз мақсадлари йўлида фойдаланиш ва бегуноҳ одамларни ўлдириб, ортидан ҳеч уялмасдан танқид қилиб туриш уларнинг одатий ишларидир. Шундай экан, Америка, Британия, Россия, Франция ва Исроил каби террорчи давлатларга нисбатан огоҳ бўлиш ва уларнинг сохта дўстликларига асло ишонмаслик лозим. Уларнинг элчихоналари дарҳол ёпилиб, барча муносабатларга чек қўйилиш керак. Акс ҳолда қон тўкилиши тўхтамайди ва терроризм ҳам асло барҳам топмайди. Чунки мустамлакачиларни ўз ҳаётлари ва манфаатларидан бошқа нарса асло қизиқтирмайди. Бу ҳужумдан икки кун олдин АҚШ элчисининг ўз фуқароларини огоҳликка чақириши диққатга сазовардир!”, “Буюк давлат бўлишнинг ва чуқур стратегияга эга бўлишнинг йўли аниқдир, ўтмишимиз, маданиятимиз ва тарихимиз аниқдир. Шундай экан, Ғарбдан ва мустамлакачилардан юз ўгириб ўзлигимизга, Исломга қайтишимиз лозим”, дейилади жумладан баёнотда.