БМТнинг Сурия масаласи бўйича махсус вакили Стеффан Де Мистура расман душанба куни бошланганлигини эълон қилган Женева музокаралари биринчи кундан бузилишни бошлади. Мистура билан мухолифат ўртасида ўтказилиши кутилган учрашув амалга ошмади. Чунки мухолифат вакиллари Россиянинг Ҳалаб шаҳрини бомбалаганлигидан аразлаб, учрашувга чиқмай қўйди.
Мухолифат вакиллари Сурияда ҳужумларни тўхтатиш, қамалларни олиб ташлаш ва инсонпарварлик ёрдамларни етказиб бериш ҳақида БМТдан кафолат берилганлиги учун музокарага келганлигини билдирган эди. Улар Россиянинг ҳужумларини тўхтатиш борасида халқаро ҳамжамият тарафидан берилган ваъдага амал қилинишини талаб қилишди.
“Биз учун қамални олиб ташлаш, бомбардимонларни тўхтатиш жуда муҳим. Лекин кеча кечқурун янги қатлиом амалга оширилди. Халқаро ҳамжамият кўрми? Буларни кўрмаяптими? Биз ваъдаларга вафо қилишларини кутиб ўтирибмиз”, деди Мухолифат сўзчиси Саим Муслат.
Мухолифат вакилларидан яна бири Фараҳ Аттаси эса “Женева музокараларига иштирок этган чоғимизда сиёсий жараённи илгарилашига доир бизга берилган кафолатлар бор. Бизнинг мақсадимиз музокаралардан олдин БМТнинг 2254 қарорини дарҳол амалга оширишдир”, деди.
Туркистон:
АҚШ бошчилигида амалга оширилаётган Женева музокараларига иштирок этиш Ислом уммати учун хиёнатдир. Чунки бу музокаранинг ўтказилишидан кўзланган бирдан-бир мақсад фақат Ислом шариатидан бошқасини қабул қилмаётган Сурия халқини АҚШнинг режасига мажбуран бўйсундиришдир. Бунинг учун ўзларини “Сурия халқининг вакили” дея атаб олган бир гуруҳ ғарбпараст демократлар фаол рол ўйнаб бермоқда. Аслида улар халқнинг наздида ҳеч ким эмас. Уларнинг аразлаб учрашувга чиқмаслиги ҳам ёки бақир-чақир қилиб норозилиқ билдиришлари ҳам ҳеч нарсани ўзгартирмайди.
Энг муҳими бугунга келиб Ислом уммати куфр найрангларига алданмайдиган бўлиб қолди. Ҳаводан бомбалаб қирғин қилинаётган бўлса ҳам, ҳар тарафдан қамал қилиниб очликдан ўлаётган бўлса ҳам, куфрнинг талабларини асло қабул қилишмаяпти. Тўрт ойдан буён Сурияда қирғинларни малга ошириб келаётган Россия ҳеч бир натижани қўлга кирита олмади.
2012 йил 30 июлда ташкил қилинган Женева-1 музокараларида ҳам бугунги кундаги каби “мамлакат бўйлаб жангларни тўхтатиш ва ўзаро келишган ҳолда муваққат ҳукумат ташкил қилиш ҳамда қамал қилинган минтақаларга инсонпарварлик ёрдамини етказиб бериш” устида келишилган эди. Табиийки, янги ташкил қилинадиган муваққат ҳукуматнинг тизгини АҚШнинг қўлида бўлиши шарти билан. Бироқ Женева-1 лойиҳалари муваффақиятсизликка учради. Чунки суриялик мусулмонлар куфрнинг талабига рози бўлмади. Ҳор бўлиб яшашдан кўра азиз бўлиб ўлишни афзал кўришди. 2014 йил 20 январда ташкил қилинган Женева-2 музокарасининг натижаси ҳам худди шундай якун топди. Шундай экан, бундан кейинги музокараларнинг оқибати ҳам аввалгилари каби бўлиши аниқдир. Бунинг аломатлари ҳозирданоқ кўриниб турипти.
