Роя газетасининг 2015 йил 9 декабр чоршанба кунги 55-сонидан:
БРИТАНИЯ ва ГЕРМАНИЯ ФРАНЦИЯГА эргашмоқда…
ЕВРОПАнинг СУРИЯга босқин қилишдан мақсади нима??
Воқеа-ҳодисаларни кузатиб бораётганда назардан қочирмаслик керак бўлган нарса тушунишнинг асоси бўлган ҳақиқатларни англаб олишдир.
Бу ҳақиқатларнинг биринчиси: Европа давлатлари мустамлакачи давлатлардир. Чунки улар динни давлатдан ажратувчи капиталистик мабда-системани қабул қилишган. Бу мабда манфаат асосига қурилган бўлиб, амаллар ўлчови ҳам манфаатдир. Мустамлакачилик айни шу мабдани ёйиш йўлидир, қолаверса бу унинг мақсадидир. Буларнинг барчаси ҳақиқат бўлиб, инсон шу ҳақиқат орқали Европа давлатлари ва Американи тушуниб олиши ва бунга зид фикр билан ўзини ўзи алдамаслиги даркор. Акс ҳолда шу давлатлар тузоғига тушиб, бутунлай ғафлатда қолади. Масалан, айрим уламосифат кимсалар ва бошқалар Американинг Ироққа бўлган, Франция ва бошқа давлатларнинг эса Ливияга бўлган босқинини ҳимоя қилишмоқда.
Иккинчи ҳақиқат: Бу капиталистик давлатлар ўз мабдаси қаршисида бирорта мабданинг туришига рози бўлмайди. Шу боис улар коммунистик мабдага қарши курашишди ва ниҳоят бу мабда қулади. Ислом мабдасига ҳам қарши курашиб, давлатини ағдаришга муваффақ бўлишди. Ҳозир эса шу Исломнинг қайтиб келишига ҳамда Пайғамбарлик минҳожи асосидаги рошид Халифаликда гавдаланувчи давлатининг қайта барпо этилишига қарши кураш олиб боришмоқда. Улар шахслар ва жамоалар сифатида капиталистик мабда остида яшаб, унинг қонунларига риоя қилаётган мусулмонларни қабул қилишсада, давлати бор бўлган ва мабда сифатидаги Ислом ҳукмронлигини қабул қилишмайди.
Учинчи ҳақиқат: Ушбу Европа давлатлари тепасида Британия, Франция, Германия туради ва уларнинг ҳар бири буюк давлат сифатига эга. Бу давлатлар қадимдан ҳукмрон бўлиш, мустамлака қилиш устида рақобатлашиб келган. Шунинг учун ҳам биринчи ва иккинчи жаҳон урушида бир-бирларини вайрон қилишди. Иш мусулмонлар билан боғлиқ бўлганда эса, уларни мутлақо қадр-қиймати бўлмади. Фақат ўз мақсадларини амалга ошириш мақсадида улардан фойдаланаётгандагина озгина эътибор бериб қўйишди, холос. Кейин Америка келди ва улар билан рақобатлашиб, бу давлатларни бир четга чиқариб қўйди. Мана бугун Америка бутун дунёга ўз ҳукмронлигини ўтказишга, унинг аксар бойликларини барча йўллар билан ўзлаштириб олишга ҳаракат қилмоқда.
Шунинг учун Сурия қутурган мустамлакачилик курашларига гувоҳ бўлди. Франция чиқиб кетгандан сўнг Британия ўз малайлари орқали кириб олишга муваффақ бўлди. Кейин Америка келди ва Британия билан рақобатлаша бошлади… Натижада бу иккиси ўртасидаги курашлар сабабли ўтган асрнинг эллигинчи ва олтмишинчи йиллари мобайнида Сурия бир неча инқилобларни бошдан кечирди. Ниҳоят, Америка етмишинчи йилларда Ҳофиз Асад қудратга келгандан сўнг Сурияда ўз нуфузини ўрнатиб олишга муваффақ бўлди. Бироқ иш шу билан ниҳоясига етмади. Чунки Сурия аҳли Америка нуфузидан халос бўлишни истаб, бир неча уринишлар қилди, натижада 2011 йил қўзғолони аланга олди.
Бу қўзғолон нафақат Америка нуфузига, балки бутун Ғарб нуфузига таҳдид солди. Шу боисдан Америка қўзғолон оловини малайи Башар Асад воситасида ўчириш қўлидан келмагач, аввал Эрон ва унинг Ливандаги Ҳизбини, кейин Россияни ёрдамга чақирди. Россия Сурияга бевосита ҳарбий жиҳатдан аралашди ва ўзи билан қўшиб минтақа давлатларини ҳам олиб кирди… Америка Россия ёнида Европанинг ҳарбий аралашувига ҳам йўл қўйишга мажбур бўлди. Аслида эса Европанинг, айниқса, Британиянинг аралашувидан хавфсирарди. Чунки Суриядаги охирги, яъни Америка кириб боришидан аввалги ўйинчи Британия эди. Унинг билим, куч-қудрат ва тажрибаси бор бўлиб, ўз одатига кўра ифлос инглизча рол ўйнаши мумкин.
Шунинг учун Америка Европа давлатларининг ўзига бўлган зарарларини тўхтатиб қолиш, урушни ўз назорати ва етовида олиб бориш мақсадида уларнинг Сурияга нисбатан ҳарбий аралашувига рухсат берди, уларнинг ўз бошқаруви ташқарисида ҳаракат қилишларидан хавфсираб, шундай қилди. Чунки бу давлатлар босим ўтказиб келарди. Биз шуни гувоҳи бўлганмизки, Франция Сурияга ҳарбий жиҳатдан аралашишга рухсат берилгач, илгари қилган баёнотларидан воз кечиб, Асадни қолишига рози бўла бошлади ва уни Давлат ташкилоти мавзусига боғламади. Британия ҳам шундай қилди.
Дарҳақиқат, 2015 йил 4 декабр куни Германия парламенти ҳукуматнинг Давлат ташкилотига қарши кураш баҳонасида Сурияга ўз ҳарбий кучларини юборишга оид қарорини бир овоздан маъқуллади. Бу ҳарбий кучлар 1200 нафар аскар, 6та разведка самолётлари, Франция Авианосецларини қўриқлаш ва уларни ёнилғи билан таъминлаш учун фрегатдан иборат. Бу эса немисларда хориждаги ҳарбий аралашувга нисбатан оммавий интилиш мавжудлигига далолат қилади. Шунингдек, бу Германия буюк давлатга айланиш сари ҳаракат қилаётганини ва эски мозийсини қумсаб, мустамлакачилик билан шуғулланмоқчи бўлаётганини кўрсатади. Айни соҳада тажриба орттириш учун у Франция билан келишган ҳолда ҳаракат қилишга қарор қилди ва қарорни Меркелнинг 2015 йил 26 ноябр куни Франция сафари ортидан қабул қилди. Зеро, Германия ва Франция 2003 йилдан бошлаб ўзларига хос асосда ҳаракат қила бошлашди. Ўшанда иккала давлат ҳам Американинг Ироққа қилган босқинига қарши чиқишган эди. Франция эса Сурияга ҳарбий жиҳатдан аралашишга 2015 йил сентябрда қарор қилиб, 24 сентябр куни ўзининг биринчи зарбасини берди.
Британия Сурияга бўлган ҳужумини 2015 йил 2 декабр куни парламент томонидан овоз берилганидан бир неча соат ўтибоқ бошлади ва ўзининг Кипрдаги ҳарбий базаларидан ҳаракат олиб борди.
Британия билан Франция Сурия ишида ўз ролларига эга бўлишга ҳаракат қилишмоқда. Халқаро ўйинчилар сифатида қолишни, халқаро масалаларни муҳокама қилишдан четда қолиб, ўз мавқеларини йўқотиб қўймасликни исташяпти. Германия ҳам шуни хоҳлаётган эди ва уларга етиб ҳам олди. Зеро, у Европа сиёсатида ва Украинада айрим ютуқларга эришди ва Эрон ядровий дастури музокараларида қатнашди. Яқиндагина эса Вена конференцияларида иштирок этиш учун Сурия қочқинлари масаласидан кузир қарта сифатида фойдаланди.
Американинг мақсади, Сурия режимини қандай бўлса ўшандай сақлаб қолишдир. Бунинг учун у ўз малайи Башар тақдири билан боғлиқ муҳокамани ортга суриб, одамлар диққатини Давлат ташкилотига буряпти ва ҳаммани шу ташкилотга қарши жанг қилишга чақиряпти. Унинг юзсизлиги шу даражага етдики, ҳатто Сурия аҳлини Давлат ташкилотга қарши жанг қилиш учун режим билан иттифоқ тузишга чақирмоқда. Сурия аҳлидан Давлат ташкилоти қилган жиноятлардан миллион марта жирканчли бўлган режим жиноятларини унутишларини хоҳлаяпти. Зеро, Америка ташқи ишлар вазири Керри 2015 йил 4 декабр куни бундай деди: «Башар Асадни кетказиш ўрнига, биринчи навбатда Сурия режими билан мухолафат кучлари ўртасида Давлат ташкилотига қарши курашда ўзаро ҳамкорлик қилиш имконияти бор», деди. Керри бошқа халқлардан кўра анча онглироқ бўлган Сурия аҳлини аҳмоқ деб ўйлаяпти. Ёки бўлмаса, Америка қарийб беш йилдан бери алдай олмаётган халқни алдай оламан, деб ҳисоблаяпти. Демак, Америка кризисда қолди, ўзининг сиёсий ечимини татбиқ қилолмади. Шу боис барча воситаларни қўллашга ўтди, бутун дунёни ўзига шерик қилмоқда. Ўзидаги барча имкониятни ишга солиб, Сурия аҳлига қаттиқ босим ўтказмоқда. Европанинг Давлат ташкилотига қарши ҳарбий аралашувига рухсат бериб, эътиборни Башар Асад мавзусидан бошқа томонга буриб юборди. Бу билан Сурия аҳлида – муаммо Давлат ташкилотида, бутун олам унга қарши Америка билан бирга, шунинг учун ушбу йўналиш бўйича юришдан бошқа чорамиз йўқ деган тасаввурни уйғотмоқчи бўляпти. Бу эса Америка Давлат ташкилотини тезда йўқ қилмаслигини, балки Сурия аҳли томонидан айни масала қабул қилингандан кейингина бу ишга киришишини англатади. Қачон Сурия аҳли мана шу йўналиш бўйича юрса ва Башар Асаднинг ўтиш даври босқичида қолишига, кейин унинг мавжудлигида режими билан музокара қилишга рози бўлсалар ва сиёсий ечимни татбиқ этишни қабул қилсалар, ана шундагина Америка Давлат ташкилотини Суриядан йўқ қилиш амалиётини бошлайди.
Давлат ташкилоти фикрий ва сиёсий онгсизлиги сабабли ўзини ҳам, Исломни ҳам, мусулмонларни ҳам ёмонлик қилиб кўрсатди. Бу эса Америкага қулай келди. У қўзғолонни бўғизлаб ташлаш мақсадида Сурияга қарши қилган босқинида айни ташкилот жиноятларидан фойдаланди. Бутун дунё давлатларини Давлат ташкилотига қарши курашишга чақирди ва айни ташкилотни баҳона қилиб, заволга юз тутаётган нуфузини сақлаб қолишлари учун уларга ўзининг ёнида туриб ҳарбий жиҳатдан аралашишларига рухсат берди. Агар бу ташкилот онгли ва тушунчага эга бўлганда эди, барча исломий ташкилотларга қарши душманлик қилмаган, фақат ўзини ҳақ деб, қолганлар эса ўзига итоат қилиши лозим, деб ҳисобламаган бўлар эди. Зеро у ўзини исломий давлат ва исломий халифалик, деб эълон қилди. Унинг бу иши том маънода шариатга зид бўлиб, бемаъниликдан ўзга нарса эмас. Ҳа, у бироз онгли ва озроқ тушунчага эга бўлганда эди, барча исломий ташкилотлар билан иттифоқ тузиб, биргаликда Дамашққа кириб борган ва режимни ағдарган, шундан кейингина шаръий шартлар асосида халифа сайлаш ва Халифалик эълон қилишда шу ташкилотлар билан келишган бўлар эди.
Американинг ушбу барча доиралардан ёрдам сўрамай, ўзининг Суриядаги нуфузини ҳимоя қилишга ожизлик қилаётгани, унинг муваффақиятсизлигига ва заволга юз тутаётганига кучли далилдир. Шубҳасиз, Умматнинг мард ўғлонлари қўзғолон қилиб, қурбонлар бериб, Аллоҳнинг калимасини олий қилиш сари йўналган ва Унинг динига ёрдам бераётган эканлар, Аллоҳ ҳам уларга албатта нусрат-ёрдам беради. Улар мана шу ишда сабот билан турсалар, Аллоҳ албатта Халифалик, ғолиблик, хавфсизлик ва осуда ҳаёт бериш тўғрисидаги Ўз ваъдасини амалга оширади. Бироқ ушбу замон фиръавни бўлган Америка ва унинг малайлари, иттифоқчилари, ҳамкорлари томонидан мусулмонларнинг фарзандлари, аёллари ҳатто гўдаклари ҳам қирғин қилинишидек улкан синов бор экан, албатта буни Роббимиз кузатиб турибди.
إن ربك لبالمرصاد
«Роббингиз (барча нарсани) албатта кузатиб тургувчидир» [Фажр 14]
Асъад Мансур қаламига мансуб.
