НАТО ИШИДга қарши жанг қилиш учун Сурияга ҳарбий куч юбормайди. Бу ҳақида НАТО бош котиби Йенс Столтенберг Швецариянинг “Tages-Anzeiger” газетасига интервью берди. Столтенбергнинг таъкидлашича, Мусулмонларнинг ўзлари жангни давом эттиришлари лозим. Бунинг учун маҳаллий кучларни кучайтириш зарур.
“Бу урушда Мусулмонлар олдинги сафдадир. Қурбонларнинг кўпчилиги мусулмонлардир. ИШИД билан жанг қилаётганларнинг аксарияти ҳам мусулмонлардир. Биз мусулмонлар учун бу урушни давом эттира олмаймиз”, “АҚШнинг оз сонли махсус кучлари бор. Лекин биринчи ўринда маҳаллий кучларни кучайтириш лозим. Бу осон эмас, аммо бошқа вариант ҳам йўқ”, деди Столтенберг.
Қуруқликдан ҳужум қиладиган кучларни Сурияга юбориш борасида сўз очган НАТО Бош котиби “Бу НАТО иттифоқчилари ёки коалиция кучларининг кун тартибига кититилган эмас”, дея қўшимча қилди.
Столтенберг мазкур жанглар Ғарб ва мусулмон дунёси ўртасида эмас, балки “экстремизм” ва “терроризм”га қарши амалга оширилаётганини қайд этди. Лекин у мактабларга уюштирилган ҳужумлар оқибатида ҳалок бўлган ўқувчилар ҳамда шаҳар ва қишлоқлар устидан ёғдирилаётган бомбалар сабабли қирғин қилинаётган болалар ва аёлларнинг “экстремизм” ва “терроризм”га қандай алоқаси борлиги ҳақида тўхталмади.
Россия Сурияда террор амалиётларини амалга ошираётганига бутун дунё гувоҳ бўлиб турипти. Рус ҳаво кучлари Сурияда йигирма кун ичида 127 нафар тинч фуқарони ўлдирди. Улардан 36 нафари 18 ёшга етмаган болалар, 34 нафари 18 ёшга тўлмаган қизлар ва 58 нафари эса эркакларни ташкил қилади. Шундай бўлишига қарамай, НАТОнинг назарида Россия эмас, ўз ақидаси билан яшашни талаб қилаётган мусулмонлар “террорист”дир.
Аллох биз билан