Туркистон:
26 ноябрь куни “Дин, ҳуқуқ ва сиёсат” таҳлилий маркази директори Қодир Маликовга бир неча номаълум шахслар томонидан тан жароҳати етказилди
Қодир Маликов ва унинг яқинлари берган баёнотларга кўра, зўровонлар уни жисмонан йўқ қилишмоқчи бўлишган. Ҳужум қилганлар бир неча йиллардан буён Маликовни ўлдириш учун қулай пайт пойлаб келишаётган диний радикал гуруҳ вакиллари эмиш.
Юқоридаги каби мусулмонларга қарши уюштирилиб келинаётган намойишкорона ва ошкора суиқасд ва қатл қилиш амалиётлари икки томонлама зиён олиб келади.
Биринчиси: – шаръий ҳукмга мувофиқ келмаган амалларнинг барчаси ботил. Ҳатто улардан бутун инсониятга улкан манфаатлар келаётган тақдирда ҳам жамиятни исломийлашиш табиатига катта зарар етказади ва Исломни жамиятдан узоқлатилишига ҳисса қўшилган бўлади. Бу каби зўровонлик исломий қозининг ҳукмисиз амалга ошириш мумкин бўлмаган ношаръий ҳаракат бўлиб, Исломни даъво қилиш мақсадида амалга оширилган бўлиши мумкин эмас.
Иккинчиси: – носоғлом куфр манфаатини ҳимоя қилувчи кучлар бу каби тажовузлардан Исломни жамиятдан суриб чиқариш учун мусулмонларга қарши асосан бўҳтонни восита қилиб олиб ашаддий кураш кампаниялари олиб боришяпти. Агар юқоридаги тажовуз исломий кучлар томонидан амалга оширилган бўлса куфр мақсадлари амалга ошиши учун салмоқли ҳисса қўшилган бўлади. Ҳозирги Қирғизистондаги ҳолатни эътиборга олиб айтадиган бўлсак, ташқи куфр кучлари Қирғизистон ичида жуда катта провокация қилиш мақсадида кампания олиб бормоқда. Булар икки йўналиш бўйлаб ҳаракатланишади. Бири, матбуот ҳужуми уюштириб жамоатчиликда Ислом ва мусулмонларга қарши нафратланиш, қўрқув ёки ҳеч бўлмаганда лоқайдлик пайдо қилишни қасд қилишган. Иккинчи йўналишдагилар бевосита қатллар ва қўпорувчилик амалиётлари уюштириб, Ислом ва мусулмонларга нисбатан жамиятда ваҳима ва қўрқув пайдо қилишади.
Биринчи тоифадаги куфр хизматчилари қирғиз матбуотини буткул манаполия қилиб бораётганини кўриб турипмиз. Улар куфр матбуоти тарқатаётган бир томонлама маълумотларга таяниб мусулмонларни ёмонотлиқ қилишни ўзларининг асосий вазифалари қилиб олишди.
Иккинчи тоифа вакиллари эса жуда махфий иш олиб боришади. Уларнинг мақсадлари моддий амалиётлар бўлиб, Қирғизистон фуқароларини қўрқувда ушлаб туриш мақсадида қўпорувчилик ишларини уюштиришади ёки ҳукумат билан мусулмон фуқаролар ўртасига раҳна соладиган қотилликлар уюштиришади. Бунга 20 наябрь куни отиб ўлдирилган милиция кичик лейтинанти Абдувалиев Актилекнинг мисол қилиш мумкин.
Қодир Маликовга нисбатан содир этилган зўровонлик ишлари ҳам юқоридаги матбуот ҳужуми кампанияси ва рус террорчи гуруҳларининг олиб бораётган иш-ҳаракатларининг маҳсули дейиш мумкин. Маликовнинг наркоз ҳолатидан чиқиши билан биринчи навбатда ҳаёлига исломий радикаллар келишининг ўзиёқ ўша куфрнинг фитнакаш тўдаларининг матбуот провокациялари орқали ичимизга солиб бораётган ваҳималарининг оқибатидан ўзга нарса эмас. Улар бизни ҳар бир қотиллик ёки зўровонлик содир этилишида ҳеч иккиланмай мусулмонлардан гумонсирайдиган ва мусулмонлар шаънига ҳар-хил ёмон гаплар айтаверадиган қилиб қўйишди.
Куфрнинг матбуот ҳужуми ва ишларимизга бевосита аралашиши билан исломий урф одатлар, қадрият ва одоб ахлоқни жамиятдан суриб чиқариш учун олиб боришаётган уюшган ҳаракатлари қирғиз миллатининг қадимий минталитетини бузиб юборяпти. Қирғиз миллати 30-йиллардаги совет Россияси томонидан сургун қилинган исломий оилаларни жуда яхши кутиб олган эдилар. Бу миллат вакиллари исломий шахсларга қарши пичоқ кўтариш у ёқда турсин, ҳатто уламолардан маслаҳатлашмай туриб бирор иш қилмас эдилар.
Қодир Маликов ва бошқа уламо ва диний арбоблар устидан ҳукм чиқариш ва шаръий қозининг ҳукмисиз уни ижро этиш Исломдан эмас. Буни фақат динни ниқоб қилиб олган носоғлом кучлар амалга ошириши мумкин.
Уламоларнинг хато қилишлари, уларни ношаръий позициялари ва чалғитувчи фатволари Умматни пароканда қилиб юборадиган оқибатларга олиб келиши мумкин. Шунга қарамай уларга қарши моддий жазо фақат шаръий бўлиши керак. Бу Ҳизб ут-Таҳрирнинг Пайғамбаримиз саллоллаҳу алайҳи ва саллам суннатларига таяниб қабул қилган тариқати асосларидан бири ҳисобланади.
Абдураззоқ.
