Аввалроқ, АҚШ президенти Барак Обама Афғонистондаги вазият “қалтис” эканлиги сабабли 2016 йилдан кейин бу ерда кам сондаги базаларда 5,5 мингга яқин ҳарбий қолиши ҳақида маълум қилган эди.
АҚШнинг бу қарори ортидан Буюк Британия ҳам Афғонистонда ўз ҳарбийларини қолдирадиган бўлди.
Буюк Британия мудофаа вазири Майкл Фэллоннинг маълум қилишича, Британия қўшинлари Афғонистонда 2016 йил охирига қадар қолади. Уларнинг сони 450 нафар ҳарбийни ташкил этади.
Унинг сўзларига кўра, Британ ҳарбийлари афғон армиясига ҳарбий машғулотлар ўтказиш ва уларни ўқитишда ёрдам беради.
Мудофаа вазирининг қўшимча қилишича, бу қарор Британиянинг Афғонистонда тинчликни сақлаш мажбуриятини кўриб чиққач қабул қилинган.
