Россия авиацияси, Суриядаги ИД ташкилотининг 8 та ҳарбий захираси деб гумон қилинган нуқталарга ракеталар билан бомбардимон қилди. Россия томонининг таъкидлашича, кун мобайнида 20 маротаба ҳарбий самолётлар Сурия бўйлаб ҳавога кўтарилган. Ҳар бир нишонга олинган нуқталар, Асад армияси разветкалари томонидан аниқлаб берилган эмиш. Бомбардимон қилинган нишонлар Ҳама ва Ҳимс шаҳарларда амалга оширилган.
Сурия миллий мухолиф коалицияси бошчиси Холид хожининг таъкидлашича, ракетали бомбаларнинг деярли барчаси тинч аҳоли устига ёғдирилган. 36 та тинч фуқоро ҳалок бўлган. Уларни ичида аёллар ва болалар ҳам бор. Холиднинг айтишича шу халқ ташаббуси ва ёрдами билан, бир йил илгари ИД армиясини бу минтақан қувиб чиқарилган экан.
Россия билан Путиннинг режими ўрталарида манфаатлар иккига айрилиб бораяпти. Путин, Россияни жар ёққасига қараб торта бошлади. Мақсади, ички низоларга олиб келаётган ташқи сиёсатдаги ҳар томонлама сиқувлардан қутилиш. Россия ҳозирги аҳволида узоқ тура олмаслиги маълум. Ғарб эса, Путинни ҳокимиятда шу ўжарлиги билан, илгаригидек ҳамкорлик ҳолатига қайтиши учун имкон бермайди. Россия иқтисодини ўнглаб юборишга вақт ҳам имконият ҳам йўқ. Шунинг учун Путин Россияни мақсадсиз ва манфаатсиз урушга йўналтираяпти.
АҚШда бўлиб ўтган БМТнинг навбатдаги йиғинидан сўнг бўлиб ўтган Обама билан Путиннинг учрашуви натижасида, Россияга Сурия муаммосига ҳарбий аралашувига рухсат берилди. Путин бу имкониятдан фойдаланиб олишга ҳаракат қилади. У ўзини халқаро ҳамжамият ҳали ҳам ҳисоблашишга мажбур бўлган фигура экандек тутишга уринаяпти. Бундан ташқари, ички сиёсатида ҳам, гўё дунёнинг ғам ташвиши Путиннинг қўлловига мухтож бўлиб бораётгандек кўрсатишга уриниб кўради. Шу билан бир қаторда, исломий терроризм хавфи Рус халқини ватанпарварлик ва фидоийлик туйғуларини уйғотишидан умид қилади.
Лекин халқаро оммавий ахборот воситалари, Россиянинг ҳарбий амалиётлари оқибатидаги талофатлар ва тинч аҳоли ичидаги бораётган ваҳшиёна қатлларини қоралай боради. Улар Россияга қарши олиб боришаётган матбуот ҳужумини асло тўхтатишмайди.
Буни билиб турган Путиннинг режими,ички муаммоларни жадаллаштириб бораётган матбуот ҳужумини чалғитиб Россияни, Рус халқини, мамлакати ва фуқороларининг манфаатларига зид келадиган ўта хавфли урушга олиб кириб боришаяпти. Бу уруш оқибатларидан Россия ичкарисида исломий қўзғалонлар келиб чиқиш хавфи ўта кучайиб боради. Бу эса, ҳозирда Россияни ҳийла билан Сурияга тортиб кириб бораётган АҚШнинг ўзи учун Россияни парчалаб юбориши учун жуда қўл келиши мумкин бўлган ҳолат пайдо бўлади.
Путин Россиянинг кризисини яширишга қанчалар уринмасин, энди буни давомий яширишга иложи қолмади. Бу кризисларни келиб чиқишида Путиннинг хатолари улкан даражада кўп экани ошкор бўлиб бораяпти. Энди Путинга уруш керак бўлиб қолди. У ҳатто Кавказга кўчиб ўтиши мумкин бўлган исломий қуроллик тўқнашувларга ҳам қарши эмас. Аксинча бу урушлар Рус халқидаги ватанпарварлик туйғуларини уйғунлаштиради деб умид қилади. Бўлмаса Шомдаги уруш Россиянинг уруши эмас, АҚШнинг уруши ва муаммоси эди. Худди Афғонистон сингари. АҚШ Россияни яна ўз ахлатини тозалатиб олишга уринаяпти.
Лекин Ислом ва Мусулмонларга қарши бораётган бу урушлар, Россияни парчалаб юбориши мумкин. Путин буни била туриб, ўз жонини сақлаб қолиш учун Россияни гаровга қўйиб юбормоқчи бўлаяпти.
Россияда, мигрантларнинг сонини ҳисобга олмаганимизда ҳам, ўз фуқороларининг аксари қисми мусулмонлардан иборат. Шунинг учун Рус халқининг ўзи Путиндан Россияни тозалаб олмаса, яқинда Россия жуда катта урушлар гирдобида қолиб кетиши мумкин. Лекин унда кеч бўлади. Бу яқинда Рус туристлари, мигрантлари ва шунчаки чет элда иш олиб бораётган фуқоролари хавфсизлигида муаммолар келтириб чиқара бошлайди. Ўша кун катта муаммоларнинг бошланган куни бўлади. Рус халқи ўшанда ҳақиқий изоляцияни бошидан кечирафди. Путин ўша кунда ҳам урушдан бошқа нарсани таклиф қила олмайди. Путин ҳарбий одам эканидан, фақат биргина миллийлаштириш сиёсатидаги хатоси оқибатидан Россияни иқтисодий кризисга олиб келиб қўйди. Агар Россия фуқоролари Путинни тўхтатиб қолишмаса, улар учун жуда ёмон оқибатлар бўлиши мумкин.
Абдураззоқ.
