“Интерфакс” агентлигининг тарқатган хабарига кўра, 16 сентябр куни Душанбе аэропортида Олма отага учиб кетмоқчи бўлган партия раисининг биринчи ўринбосари Саидумар Хусайни ва кун давомида ташкилотнинг қолган амалдорлари қўлга олинган.
17 сентябр кунги маълумотга кўра, қўлга олинганлар орасида партия раис ўринбосари Махмадали Хаит, партия сиёсий кенгаши аъзоси Вохидхон Косиддинов, илмий кенгаши раҳбари Зубайдулло Розиқ, туманлар бўйича партия ташкилотлари раҳбари Рахматулло Ражаб, партия раисининг ҳуқуқий масалалар бўйича маслаҳатчиси Зарафо Рахмони ҳамда партия газетаси “Нажот” бош муҳаррири Абдуқаххор Давлат каби раҳбарлар бор.
Ҳозирча уларга қарши бирор айблов илгари сурилгани ҳақида хабарлар йўқ.
Туркистон:
4 сентябр куни Тожикистонда рўй берган қуролли қаршилик харакати, Раҳмонов режими учун жамоатчилик олдида юқоридаги каби ваҳший ва адолатсиз ҳаракатларига кенг йўл очиб берди. У энди исломий шахслар ва ҳаракатларга қарши аёвсиз ва ҳужжат далилсиз кураш олиб боришда давом этаверади.
