Ўзбекистонда сиёсатга оид фанлар таъқиқланди
Ўзбекистон республикаси олий ва ўрта махсус таълим вазири Алишер Ваҳабов сиёсатга оид фанлар таълим тизимидан олиб ташланиши ҳақида қарор қабул қилинганлигини эълон қилди. Мазкур қарорга кўра, Ўзбекистондаги ўрта ва олий ўқув юртларида сиёсатга оид фанлар дарслиги ўқув дастурларидан тамоман олиб ташланган.
Таълим тарбия вазирлиги тарафидан чиқарилган қарорга биноан, университетларда бугунги кунгача дарслик сифатида ўқитилиб келинган “Сиёсат илми, Ўзбекистонда демократик жамият қуриш мафкураси ва амалий жараёнлар”, дарслигидан “Сиёсат илми”, деган қисми олиб ташланган. Бироқ сиёсат илмининг уқув дастурларидан олиб ташланиш сабаблари қарорда кўрсатиб ўтилмаган.
2013-2014 йилларда сиёсий фанлар бўйича университетларни битирган талабаларга диплом бериш бекор қилинган эди. Аммо кейинчалик 2013 йил битирувчиларига “сиёсат билимдони”, деган диплом топширилган эди.
Кузатувчиларнинг фикрига кўра, Ўзбекистон ҳукуматининг “Сиёсат илми” дарслигини бекор қилишига ушбу дарсликнинг миллий, яъни “Ўзбек модели”ни ривожлантириш сиёсатига тўғри кемаслиги ва фақат ғарб тушунчаларини ўз ичига олганлиги сабаб қилиб кўрсатилмоқда.
Таниқли ўзбек сиёсий таҳлилчиси Фарҳод Толибов ва Ўзбекистондаги бир гуруҳ сиёсий илмга эга шахслар “Facebook” ижтимоий тармоғи орқали муштарак равишда ҳукуматнинг мазкур қарорига ўз норозиликларини билдиришди.
Туркистон:
Устимиздаги мавжуд куфр системаси БМТ ташкилоти воситасида, дунёнинг сиёсат, иқтисод, таълим ва ҳарбий соҳаларига тааллуқли асосий тармоқларни глобаллаштириб (марказлаштириб) олди. Бунинг билан улар, дунёнинг қайси мамлакати қайси тармоқни ривожлантириши керак деб ҳисоблашса, ўша юрт фуқороларининг таълим программаларини ҳам шу йўналишга мувофиқ қилиб белгилаб берадиган бўлишди. Бу ишни улар қандайдир резолюцияларни қабул қилиб олиш билан, ўзлари учун халқаро қонунлар кўринишида системалаштириб олишди.
БМТ дунё таълим системасини, етакчи катта Ғарб давлатлари учун манфаатли қилиб бериш амалиётларини, ЮНЕСКО, ЮНИСЕФ каби қўли остидаги ташкилотлар воситасида шакллантиради ва назорат олиб боради. Бу миссияни амалга оширишни мавжуд дунё системаси ўзининг ҳаётий масаласи бўлган муҳим тармоқлар сафига қўшади. Шунинг учун бу соҳадаги олиб борилаётган ишлари учун муайян минтақаларда молиявий, сиёсий, ҳарбий ва иқтисодий соҳаларидаги барча босим бера олиши мумкин бўлган шароитларни сафарбар қилади.
Мисол сифатида келтирсак: – Куфр системаси ҳатто Саудия Арабистонидаги исломий ўқув юртлари воситасида “такфир” тушунчасини пайдо қилди. Бунинг учун улар, бу олийгоҳлардаги ва унгача бўлган мактаб программаларидаги таълим бериш асосини бузиб юборишди. Таълим программалар, талабаларни тўғри соғлом ижтиҳодий усул илмидан ажратиб олиш ва унинг ўрнига нусуслардан сохта услублар билан, қуввати етишмаган деярли барча талаба ижтиҳод қилиши мумкин бўлган бузуқ усул қоидалари ишлаб чиқишди. Натижада бузуқ ижтиҳодий усули фиқҳ, куфрнинг сиёсий манфаатларига хизмат қилиб келаётган бузуқ тушунчаларини пайдо қилди. Яна шунингдек, Сунийлар ичида Эронга қарши муҳит пайдо қилишда ҳам, худди шу носоғлом таълим программаси маҳсулоти бўлган зиёлилар қатламини восита қилди. Чунки уларга таълим бериш программаси ичида Сунийларни Шиъаларга қарши нафрат ўйғотиш асоси атайин киритилган.
ЮНЕСКО тошкилотининг асосий вазифаси, аграр саноатига йўналтирилган мамлакатлардаги таълим программасини фақат агросаноатни ривожлантириш томон йўналтирилишини назорат қилиб туришдан иборат. Олий ғояларни кўзлаб ёки оғир ва енгил саноатни ривожлантириш сари ёш авлодни йўналтириш асосига тузилган ўқув программаси, ЮНЕСКО билан келишилган ҳолда амалга оширилмаса, бу мамлакат ҳар томонлама босимлар остида қолиб кетади.
Шунинг учун, куфрга малай бўлган Каримов сингари устимиздаги хоин етакчиларимиз, куфрнинг юқоридаги узоқ муддатда бизларни шол ҳолатига олиб келиш асосида олиб борилаётган лоиҳаларини, бевосита амалда татбиқ қилиб беришади. Улар куфрнинг бу режаларини татбиқ қилиб беришларида, бир бирлари билан ким ўзарга мусобақа қилаётгандек шижоат билан иш олиб боришади.
Ўзбекистонда Каримов режими, фуқороларни кирил алифбосидан лотин алифбосига ўтказиб олиш билан, бир қатор етакчи сиёсий ва зиёли қатламни ҳаётдаги таъсир даражасини пасайтириб олган эди. Энди сиёсий илмлар олиш имкониятларини тўсиб олиб, янги сиёсатчилар етишиб чиқиши мумкин бўлган муҳитни барбод қилмоқчи. Албатта куфр системаси асосчилари бунинг учун хафа бўлишмайди, аксинча…
