Президент аппарати етакчиси Сапар Исаковнинг хабар қилишича, АҚШга сафарини бекор қилган Қирғизистон президенти Алмазбек Атамбаев Хитой ва Эронга сафар қилади.
Алмазбек Атамбаев 1-3 сентябр кунлари Хитойга уюштирадиган сафари доирасида Улуғ ватан урушида эришилган ғалабанинг 70 йиллигига бағишланган тадбирда иштирок этади. Бундан ташқари Хитой халқ республикаси раиси билан учрашиб сиёсий, иқтисодий ва ижтимоий-гуманитар масалалар мухокама қилинади.
Атамбаев ва Си Цзиньпин ўртасида бўлиб ўтадиган учрашув давомида кейинги 3 йил мобайнида Қирғизистон учун ажратиладиган 1 млрд юан (180 млн доллар) миқдоридаги грант масаласи ҳам кўриб чиқилиб, имзоланиши кутилмоқда.
Хабарларга кўра, бу пуллар Бишкек йўлларини созлашга ва янги йўллар қурилишига сарфланади.
Хитойга бўлган сафарини якунлагач Атамбаев 4-6 сентябр кунлари Эронда расмий ташриф билан бўлади.
Алмазбек Атамбаев Эронда мамлакат раҳбари Ҳасан Руҳоний билан тор доирадаги учрашув ўтказишни режалаштирган. Шундан сўнг, у Эрон парламенти спикери ҳамда Эроннинг диний раҳнамоси Оятуллоҳ Али Ҳусайни Хаманеи билан ҳам учрашади.
