“Би-би-си” радиосининг хабар қилишича, Тожикистонда фаолияти тўхтатилган масжид бинолари маданий марказлар, болалар боғчалари, маҳалла қўмиталари, чойхоналар учун фойдаланишга топширилмоқда.
Шимолий Тожикистонда маълум муддат эшиклари беркитилган 100 тадан ортиқ масжиднинг қайта фаолият юритишига ижозат берилмаган. Суғд вилояти ҳукумати қошидаги дин, анъана ва маросимларни мувофиқлаштириш қўмитасига кўра бу масжидлар бинолари учун вақтида зарур ҳужжатлар тайёрланмаган. Бу бинолардан масжид сифатида фойдаланиш учун Ер қўмитаси ижозати олинмаган, диний муассаса сифатида рўйхатдан ўтилмаган.
Ҳозирда фаолияти тўхтатилган масжид бинолари маданий марказлар, шифокорлик нуқталари, болалар боғчалари, маҳалла қўмиталари идоралари, чойхоналар учун фойдаланишга топширилмоқда. Камида юз йиллик тарихга эга масжидлар бинолари маданий-дам олиш ёдгорликлари сифатида асралади.
Биргина Ғафуров туманидаги Исфисор жамоатида тўртта масжид фаолиятига ижозат берилмаган. Бу масжид биноларининг чойхона ва маҳалла қўмиталари идоралари учун берилиши вилоятдаги ҳукумат телевидениесида кўрсатилган. Бу кўрсатувда маҳаллий аҳоли номидан чиқиш қилган кишилар масжид ўрнида чойхоналарнинг бўлиши ўзлари учун қулайлик туғдирганини, энди чойхонада чойхўрлик қилиб, чақчақлашиб ўтиришларини айтишган.
Туркистон:
Марказий Осиёда жойлашган республикалар президентлари гўёки Ислом ва мусулмонларга қарши курашда кимўзарга пойга ўйнаётгандек ҳаракат қилишмоқда. Тожикистон президенти Имомали Раҳмон ҳам бу пойгада ортда қолмаслик ҳамда хожалари олдида юзи шувут бўлмаслик мақсадида кундан-кунга Ислом ва мусулмонларга қарши курашини кучайтириб бормоқда.
Ҳудди Ўзбекистонда бўлгани каби Имомали Раҳмон ҳам аввалига олий ўқув юртлари ва мактабларда ўқувчи қизларни рўмолларига осилган бўлса, кейинчалик оқ дўппи ва сақолга қарши курашни бошлади. Бу мақсадига ҳам эришгач 18 ёшга тўлмаган болаларнинг намоз ўқиш учун масжидга боришлари тўсиқ қўйиб, ишхоналарда ва жамоатчилик жойларида намоз ўқишни тақиқлади, бунга амал қилмаганлар эса жаримага тортила бошланди. Шундан сўнг, кўча-куйда ва жамоат жойларида хижоб ва рўмолда юрган муслима оналаримиз ва опа-сингилларимизнинг бошларидн рўмоллари, эгниларидан ҳижоблари мажбуран ечтирила бошланди, ҳижоблар билан савдо қилувчи савдо шаҳобчалари ҳам текширув остига олинди ва турли хид баҳонлар билан фаолиятларига чек қўйилди. Охир оқибат Имомали Раҳмон аёлларни ҳижоб киймасликка ошкора даъват қилиб, ҳатто исломий исмларга қарши кампанияни бошлаб юборди.
Азизликни Аллоҳдан эмас, аксинча махлуқ хузуридан қидираётган Имомали Раҳмон ҳам ҳудди Фиравн ва золим ўтмишдошлари каби яқин келажакда қандай оқибат сари кетаётганини англаб етади.
وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ
“Золим кимсалар яқинда қандай оқибатга қараб кетаётганини билиб олишади” [Шуаро 227]
