Тунис ҳукумати асосий қоидаларини кўздан кечириб чиқиш учун Ҳизб ут-Таҳрирга муҳлат бериши айтилмоқда. Ҳукумат талабига кўра, Ҳизб ут-Таҳрир мана шу муҳлат ичида ўзининг асосий қонун-қоидаларини Тунис конституциясига мос ҳолга келтириши лозим.
Туниснинг “Шамс FM” маҳаллий радио компанияси конституциявий муассалар ва фуқаролик жамияти устидан масъул шахс Камол Жундубийнинг сўзларига таяниб, бу ҳақида хабар тарқатди. Радио хабарига кўра, Ҳизб ут-Таҳрир ўз фаолиятларини тартибга солиб, ҳуқуқий тартиб-қоидаларга риоя қилиш учун ҳукумат унга охирги марта муҳлат бериши мумкин.
Минтақа бўйлаб сафар уюштирган Тунис президенти Бежи Каид Эс-Себси Ҳизб ут-Таҳрирнинг асосий қоидаларини қайта кўздан кечириб чиқишни ҳукуматдан талаб қилишини билдирди. Унга кўра, бу иш конституцияга мос келмаган партияларни бартараф этиш имкониятларини қайта кўриб чиқиш мақсадида амалга оширилади.
Ҳизб ут-Таҳрирнинг Тунисдаги расмий сўзчиси Ризо Билҳаж президентни ваколат доирасидан чиқиб кетишликда айблади.
“Ҳукумат тарафидан имтиёз берилган сиёсий партияларга дахл қилиш борасида Эс-Себси ҳуқуқий жиҳатдан ваколатга эга эмас”, деди расмий сўзчи Ризо Билҳаж.
Ҳизб ут-Таҳрир ташкил топган кундан бошлаб даъват йўлида бирор моддий фаолиятга қўл урмаганлиги дўст-у душманга кундек равшандир. Кофир Ғарб ва қалбида адовати бор кимсалар тўрт кўз бўлиб унинг фаолиятидан айб излашларига қарамай, ҳалигача буни исботлай олганлари йўқ. Ҳизб ут-Таҳрир атрофидагилардан қўрққанлиги учун эмас, балки Росулуллоҳ с.а.в.нинг тариқатларига эргашганлиги учун шундай йўл тутади. Бироқ шундай бўлса-да, Тунисда Ҳизб ут-Таҳрир масаласи Суса шаҳрида ўнларча хорижий сайёҳларнинг ўлимига сабаб бўлган ҳужумлар ортидан кўтарила бошлади.
