Исроилда баъзи юқори даражали масъуллар Асаднинг қулашига тўсқинлик қилишни талаб қилиб, Бенямин Нетаняҳу ҳукуматига босим ўтказишмоқда. Сионизм тарафдори бўлган газеталарнинг ёзишича, Исроил армияси ҳамда Моссад жосуслик ташкилотида бир неча йиллар давомида хизмат қилиб келган генерал Элиэзер TSAFR Асад режимининг қулаши Исроил учун ёмон оқибатларга сабаб бўлишидан огоҳлантирган.
“Асад режимининг қулаши Суриянинг қора туйнукка айланишини англатади. Асад режими қуласа Сурияда ва атрофидаги барча давлатларда яҳудийларга бўлган душманлик (Антисемитизм) юксак даражага етади. Бу қочиб қутулиб бўлмайдиган оқибатдир”, дейди генерал Элиэзер TSAFR ўзининг “Асадни ҳимоя қилишга мажбурмиз” номли рисоласида.
Генерал Элиэзер Асад режимини қутқариб қолиш лозимлиги ҳақида огоҳлантирар экан, “Асад режими Исроилнинг Ўрта Шарқдаги кафолатидир. Исроил Асадга бевосита ёки билвосита қурол аслаҳа жиҳатидан ёрдам беришга мажбур”, дея таъкидлади.
“Сурия режими минтақадаги Исроил душманларини назорат остига олиш имкониятига эга бўлган ягона иродадир. Агар Асад режими қуласа у ердаги қуролли гуруҳлар Исроилни йўқ қилиш учун қўлларидан келганини қилишади.”, дейилади “Гаарец” газетаси саҳифаларидан ўрин олган бошқа бир хабарда.
Элиэзер TSAFRнинг қайд этишича, Исроил ҳукумати Асаднинг Эрон ва Ҳизбуллоҳ билан бўлган алоқаларидан кўз юмиши лозимдир.
Исоиллик журналист Жеки Хуги “Исроил Асаднинг орқасида туриши лозим” номли мақоласида Асад режими Исроил вужудининг кафолати эканлигини тилга олди.
“Исроилнинг ягона кафолати Асад режимидир. Шу боис Исроил Асад режимига ёрдамчи бўлиши шарт”, дейди Жеки Хуги.
