Расмий сафар билан Россияга келган Туркия парламентининг раҳбари Жамил Чичек пойтахт Москвада Россия парламентининг юқори палатаси федерацион кенгашининг раҳбари Валентина Матвийенко билан учрашув ўтказди. Учрашув чоғида Чичек Россия ва Туркия алоқаларини яна ҳам ривожлантиришга тайёр эканлигини таъкидлади.
Жамил Чичек Россиянинг Туркия учун жуда қадрли қўшни ва муҳим ҳамкор эканлигини билдириб, икки давлат ўртасидаги алоқлар кейинги йилларда улкан ютуқларни қўлга киритганлигини баён қилди.
“Шуни яхши билиб қўйишларини истардикки, Россия биз учун ўта қадрли қўшни ва жуда муҳим ҳамкордир. Туркия ва Россия ўртасидаги мавжуд алоқалар фақат ўзаролик жиҳатидан эмас, балки минтақавийлик ва дунёвийлик жиҳатидан қаралганда ҳам муҳим аҳамиятга молик алоқалардир.”, деди Жамил Чичек.
Шунингдек Чичек Дума раҳбари Сергей Нарышкин билан ҳам учрашди. Яна икки давлат ўртасидаги алоқалар аҳамиятига эътибор қаратган Чичек “Биз бу алоқаларни юқори даражали алоқалар деб эътибор қиламиз. Бу эса ўртадаги алоқаларга боғлиқ бир кенгашнинг мавжудлигидан ҳам ўз-ўзидан кўриниб турипти. Бундан кейинги юқори даражали кенгаш йиғилиши ҳам Россияда бўлиб ўтади”, деди.
Туркия парламентининг раҳбари Жамил Чичек Украина ҳодисалари борасида Россияга нисбатан қўлланган санкция ҳақида ҳам гапириб ўтди.
“Украинада юзага келган ҳодисалар туфайли баъзи давлатлар Россияга нисбатан санкция жорий қилиш йўлига ўтишди. Аммо Туркия бунга қўшилмади. Россия билан бўлган алоқаларини муҳим санаганлиги учун ҳам ўз позициясини ўзгартирмади. Европа кенгашида ҳам Россиянинг овоз бериш ҳуқуқи муҳокамага қўйилганда Туркиянинг позициясида бирор ўзгариш юз бермади. Бунинг конструктив ҳаракат бўлмаганлигини эътиборга олиб бу қарорга қўшилмади. Шу боис биз Туркия ва Россия алоқаларига таъсир қиладиган ва ўзаро алоқаларда муаммо туғдирадиган сиёсатдан ва ҳаракатлардан узоқ турдик. Бунинг эвазига дўстларимиздан ҳам айнан шу муносабатни кутамиз”, деди туркия парламентининг раҳбари.
Ўз навбатида Россия федерация кенгашининг раҳбари Матвийенко Туркиянинг бундай муносабатига ташаккур билдирди. Матвийенко рус халқининг барча қатламлари Россия ва Туркия ўртасидаги алоқаларни яна ҳам чуқурлаштириш истагида эканлигини таъкидлади.
