Россия президенти Владимир Путин Россия муфтилар кенгашининг раҳбари Равил Ғайниддинни учинчи даражали “Ватанга олий хизмат” ордени билан мукофотлади.
23 март куни Президент Путин тарафидан имзоланган қарорга кўра, Равил Ғайниддин жамият ичида миллатлараро ва динлараро тинчлик ва уйғунликка ўз ҳиссасини қўшганлиги туфайли бу мукофотга лойиқ деб топилган.
Россия муфтилар кенгашининг раҳбари Равил Ғайниддин 2009 йилнинг август ойида ҳам ўша вақтаги президент Димитрий Медведов тарафидан тўртинчи даражали “Ватанга олий хизмат” ордени билан мукофотланган эди.
Шу билан бир қаторда муфтий Ғайниддин динлараро тотувлик, миллий бардамлик ва халқларни маънавий жонлантиришда жонбозлик кўрсатганлиги учун “Дўстлик” ордени каби Россия федерациясининг бошқа бир қанча орденларини ҳам қўлга киритган.
Россия муфтилар кенгаши барча мавзуларда ҳукумат юритаётган бутун сиёсатга уйғун фаолият олиб бориш билан танилган.
Туркистон:
Россия каби, куфр давлати томонидан берилаётган бундай мукофотлар, Муъмин Мусулмон учун шараф бўлиши мумкинми?
Мўъмин учун, Россия мустамлакачи куфр давлати олиб бораётган сиёсат билан уйғун фаолият олиб бориши нимани англатади?
Умуман, куфр асосида ёки ғойриисломий сиёсат юргизаётган ҳукуматлар билан уйғунликда олиб борилаётган фаолиятлар исломий бўлиши мумкинми?
Ислом билан куфр биргаликда, бир йўналиш бўйлаб, ҳамкорлик билан инсониятни устида сиёсат олиб бориб, уларни ҳидоятга муваффақ қилиши мумкинми?
Агар юқоридаги муаммоларнинг бирортаси учун мумкин деган муолажа топилганида эди, Пайғамбаримиз Муҳаммад САВ кофирларнинг “бир кун сен ўз дининг билан ҳаммамизни бошқар, бир кун биз бошқарайлик” деган таклифларини қабул қилиб, мусулмонларни қийноқ ва қатли оммлардан қутқариб қолган бўлар эдилар. Ҳазрати Билол бунчалар хўрланиб, Ёсирнинг ота онаси ваҳшийларча ўлдирилмаган бўлар эдилар. Абу Муттолиб ўз қабиласи билан, Пайғамбаримиз САВни ҳимоя қилиш учун У САВ киши ва яна бир қанча Мусулмонлар билан биргаликда уч йил оч ва ялонғоч қамалда қолиб қийналишмас эди!
Биз “Аҳлисунна вал жамоъа”данмиз ёки Ҳанафий мазҳабиданмиз деб жар солаётиб, суннатга мувофиқ, устиларимизда куфр турган ҳолида, Пайғамбаримиз САВ ва саҳобаи киромларнинг 13 йил давом этган ягона ҳужжат бўлган Маккадаги куфр бошқаруви остидаги ҳаётларида ўзларини қандай тутганларидан ўрнак олишга мажбурмиз. Мажбурлигимиз, уларнинг тариқатлари бўйлаб боришимиз билан, бизларнинг ҳам бошимизга уларга келган балоларга ўхшаш синовлар ҳам бирга келиши аниқ. Бу балолардан бизни фақат каззоблик, фосиқлик, золимлик, жоҳиллик, мунофиқлик каби иллатларгина қутқариб қолиши мумкин. Оллоҳнинг ўзи сақласин.
Юқоридаги муфтий ва унга ўхшаган бошқа Мусулмонларга, иймонингларни арзимас дунё матоларига алмаштирманглар дейишимиз вожиб. Пайғамбаримиз САВ “мункарни кўрганларингда қўлларинг билан қайтаринглар, қодир бўлмасаларинг тилларинг билан, унга ҳам қодир бўлмасаларинг қалбларинг билан қайтаринг, бу иймоннинг энг заифи” дедилар. Шунинг учун юқоридаги каби хиёнатлар куфр томонидан тақдирланилаётганида ва буни шараф деб қабул қилишимизни хоҳлашаётганида, ҳар бир Мўъмин Мусулмон имконияти доирасида ўз муносабатини билдириши вожиб. Агар имкониятлари заиф бўлса ёки қўрқув ғолиб келиб қолса, ҳеч бўлмаганда иймонини сақлаб қолиш учун, мункардан нафратланиб туришимиз вожиб.
Фитна замони келди. Яъни Исломни, қўлида чўғни ушлаб тургандек ушлаб келаётганларга қаршиликликлар ўта кучайиб бораяпти. Асосийси бу курашда, Мусулмонларни куфр билан бирлашишга (фитнага) тарғиб қилиш кучайтириб юборилади. Пайғамбаримиз САВ шу фитна кунлари келишини башорат қилиб, “уйларингда ҳатто дарахтларнинг томирини еб кун кўриб бўлса ҳам, фитнадан сақланинглар” дедилар.
