Қирғизистон республикаси Миллий хавфсизлик давлат қўмитасининг матбуот хизмати 19 март куни Боткен вилоятида 16 нафар Ҳизб ут-Таҳрир аъзоси фаолиятига чек қўйилгани ҳақида хабар тарқатди. МХДҚ маълум қилишича, 2015 йилнинг 9 феврал куни фуқаро М.Фга қарши Қирғизистон жиноят кодексининг 299-2 (экстремистик материалларни сотиб олиш, тайёрлаш,сақлаш ва тарқатиш) моддаси бўйича қўзғатилган жиноят иши доирасида МХДҚ томонидан диний экстремистик ташкилотга алоқадор бўлган 16 шахс аниқланган.
Матбуот хизматининг хабарига кўра, Боткен вилояти бўйича МХДҚ бошқармаси ходимларининг Боткен вилояти Ички ишлар бошқармаси ходимларини жалб қилган ҳолда 17 март куни гумондор шахсларнинг яшаш жойларида рухсат берилган тинтув олиб бориши натижасида иккита пистолет, 3 ўқдон, 37 патрон, пичоқ, 200дан зиёд китоб ва брошюралар ҳамда 300га яқин диний мазмундаги DVD дисклари топилган.
Шунингдек, тезкор-қидирув тадбирлари мобайнида Ҳизб ут-Таҳрирга алоқадорлиги учун аввал қидирувда бўлган Қадамжой тумани турғуни А.М исмли аёл ҳам қўлга олинган.
Туркистон:
Сўнги вақтларда Қирғизистонда содир бўлаётган ишлар, жумладан, куч органлари томонидан Ислом ва мусулмонларга қарши кенг кўламли амалиётларни бошлаб юборилиши ва бу йўлда асосий эътиборни қирғиз жамияти ичида катта таъсир кучига эга бўлган Ҳизб ут-Таҳрир жамоасини ёмонотлиқ қилишга жиддий уринишларни олиб борилиши ҳамда Қирғизистон ҳукуматига тобе бўлган ОАВлари куч органлари томонидан берилган хабарларни кўр-кўрона тарқатишлари Қирғизистонда президентни таъсир куввати қолмагани ва барча ишлар куч органлари қўлига ўтиб кетганидан далолат қилмоқда.
Бугунги кунда куч органлари Қирғизистондаги барча ишларни, жиноят оламидан тортиб, давлат тузилмаларига кадрлар тайинланишига қадар барча ишларни ўз назорати остига олиб бўлди. Президент ҳам ўз ҳокимиятини сақлаб қолиш илинжида иш жиловини куч органларига бериш орқали ўз халқи тақдирини улар қўлига топшириб қўйган кўринади.
Куч органлари эса ўз навбатида халқни қўрқув остида ушлаб туриш учун исломий таҳдид ва “ИШИД” ваҳимасини имкон қадар кучайтириш орқали Ислом динини, хусусан, Ҳизб ут-Таҳрир номини қора қилиш мақсадида ахборот ҳужумларини кучайтириб бормоқда. Бундан мақсад эса, Ҳизбни Қирғизистон фуқороларидан ажратиб олиш ёки уни халқ кўз ўнгида жангари ҳаракат олиб борувчи ташкилотлар билан аралаштириб юбориш.
Бутун дунё маълумки, Ҳизб ут-Тахрир Исломни ҳаётга қайтаришни ўзи учун ғоя деб белгилаган ҳозирча ягона исломий, мабдаий сиёсий уюшмадир. Ўз мақсади етиш йўлида Ҳизб ут-Таҳрир пайғамбаримиз Муҳаммад саллоллаҳу алайҳи ва саллам тариқатларига қатъий амал қилган ҳолда фикрий ва сиёсий кураш олиб боради. Ҳизб тарихида мобайнида қулай вазиятлардан фойдаланиб, экстремистик (муайян вазиятлар пайдо бўлганда ўз ақида, дастури ёки принципларидан воз кечиб, вазиятдан фойдаланиб олиш) ҳаракатларга берилиб кетиш ҳолати рўй берган эмас. Бундан кейин ҳам Ҳизб фикрий вужуд сифатида, ҳатто Халифалик давлати сояси остида ҳам бирор моддий фаолиятга киришишни ўзи учун ношаръий амал, деб билади.
