5 март куни Италия Бош вазири Маттео Ренци билан учрашганидан сўнг жамоатчилик эътиборидан ғойиб бўлган Россия президенти Владимир Путин 16 март куни Қирғизстон президенти Алмазбек Атамбаев билан Санкт-Петербургдаги учрашувда илк марта кўриниш берди.
Россия президентининг ғойиб бўлиши ва қаерда эканлиги ҳақида аниқ маълумот берилмагани у тўғрисида турли миш-мишларни авж олишига сабаб бўлди. Жумладан, 11 мартда “Reuters” ахборот агентлиги Путин Қозоғистонга 12-13 март кунлари уюштириши керак бўлган сафарини касаллиги туфайли бекор қилгани ҳақида хабар тарқатган бўлса, ижтимоий тармоқларда Россияда давлат тўнтариш амалга оширилгани, ҳокимият ҳарбий хунта қўлига ўтганлиги ҳамда Путин куч тузилмалари томонидан асирга олингани ва ҳатто ўлдирилгани тўғрисида хабарлар тўхтовсиз пайдо бўла бошлади.
Шу сабабли ҳам гарчи Путин ва Атамбаев учрашуви оламий аҳамиятга эга бўлмасада, деярли бутун дунё улар ўртасида бўлиб ўтадиган 16 март кунги учрашувга бутун эътиборини қаратди. Учрашув вақтида Қирғизстон президенти Алмазбек Атамбаев “Владимир Путин нафақат пиёда юрибди, балки машинани учириб юрибди”, – деб гувоҳлик берган бўлса, ўз соғлиғи ҳақидаги саволга тўхталган Путин: “Миш-мишларсиз ҳаёт зерикарли бўлган бўларди”, – дея киноя билан жавоб берган.
Туркистон:
Путиннинг режими ва умумий Россия сиёсий элитаси ичида, жиддий кескинлик пайдо бўла бошлаган кўринади. Таниқли сиёсий тахлилчи Гейдар Жамолнинг бир неча видио чиқишларида айтишича, Кремлда тозалаш ишлари кучайтириб юборилган. Унинг айтишича, коррупцияда айбланиб қўлга олинаётганларнинг деярли хаммаси Путинга яқин бўлган давлат ишчилари эмиш. Бу ишларни у “давлат тўнкарилиши” деб атади. Сабабини эса, Ғарбга қаттиқ боғланиб қолган давлат арбоблари, Ғарб қўяётган санкцияларда йўқотаётган ва яна йўқотиши мумкин бўлган манфаатларидан кеча олмаганларидан эмиш. Бу сиёсий элитага Ғарб, улар кеча олмайдиган манфаатли чоралар таклиф қилишган. Лекин уларнинг таклифлари Путиннинг олиб бораётган сиёсатига зид эканлиги аниқ.
Путиннинг охирги матбуотга берган маълумотида хам, шу Ғарбдан таъсирланаётган сиёсатчилардан норозилигини ифодаси сезиладиган оханг бўлиб ўтди. Гейдар Жамолнинг айтишича, бунақанги холатда призидент ўлдирилиб юборилади, лекин тирик қолдирилса, демак призидент улар билан келишиб олган бўлади. Путинни гаплари хеч нарсани англатмайди, яқин кунларда харакатларида ўзгаришлар бўлса, юқоридаги Жамолнинг гаплари тасдиқланган бўлади. Бу ўзгаришлар асосан Украина ва Крим масалаларида рўй бериши кутилади.
Путин ЕвроЗЕС лоихаларини юргизишидан балки Рус сиёсий элитаси манфаатдордир. Лекин Россияда хозир коррупцияга қарши халқ нафратини йўналтириш кучайтирилиши сезилмоқда. Агар Путиннинг атрофидаги режимга алоқадор шахслар қилган ноқонуний ишлари очилаверса, бу охир оқибат Путиннинг обруйини пасайишига олиб келиши аниқ. Шунда уни бирор бир йўл билан, тахтдан ағдариш ёки қатл қилиш мумкин бўлади.
