Германияда “холокост”ни, яъни Гитлернинг яҳудийларга нисбатан амалга оширган қатлиом даъвосини инкор қилган ва “холокост” даъвосининг ҳақлигига доир далиллар етарли асосга эга эмаслигини илгари сурган ҳуқуқшунос аёл Мюнхен вилоят суди тарафидан 20 ой қамоқ жазосига ҳукм қилинди.
Собиқ немис адвокати Силвиа Столз 2012 йили Швецарияда ўтган бир конгресда “холокост” ҳақида нутқ сўзлаган эди. Ўша нутқидан сўнг Столз “холокост”ни инкор қилганликда ва яҳудийларга нисбатан нафрат уйғотишга ташвиқот юритганликда айбланиб судга тортилди. Сўнгги кўриб чиқилган суд хулосасига кўра, Столз 20 ой қамоқ жазосига ҳукм қилинди.
Адвокат Столз қилган нутқида Гитлернинг яҳудийларни йўқ қилишига доир далиллар етарли асосга эга эмаслигини билдириб, бу борада қилинган даъволар ёлғондан иборат эканлигини айтган эди. Немис адвокатининг қайд этишича, “холокост”ни инкор қилиш ўзининг шахсий фикридир. Бу эса сўз эркинлиги доирасида баҳоланиши лозимдир.
Олинган хабарларга кўра, Столзнинг турмуш ўртоғи ҳам “холокост”ни инкор қилганлиги учун қамоққа олинган. У айни даъво билан 2008 йилда ҳам судга тортилган.
“Холокост”ни инкор қилиш Европа давлатларида, жумладан Германияда жиноят ҳисобланади. Гитлернинг яҳудийларга нисбатан амалга оширган қатлиом даъвосини инкор қилган кишига жиноий иш қўзғатилади. Мусулмонлар учун муқаддас ҳисобланган Пайғамбар с.а.в. шаънига уйдирилган туҳматларга нисбатан қўлланган демократия ва сўз эркинлиги бу пайтда тан олинмайди.
