Кўрфаз давлатларининг ташқи ишлар вазирлари Ямандаги сўнги вазиятни муҳокама қилиш мақсадида Саудия пойтахти Риёзда тўпланишди. Бу ҳақида Саудия арабистони давлат телевиденияси хабар тарқатди.
Қатар ташқи ишлар вазири Холид бин Муҳаммад ал-Атийя раҳбарлигида тўпланган Кўрфаз давлатларининг ташқи ишлар вазирлари Яманга бериладиган ёрдамни давом эттиришларини таъкидлар экан, Шия Ансоруллоҳ гуруҳининг (Хусиларнинг) ҳаракатларини қабул қилмасликларини билдиришди. Шунингдек улар БМТни Яман ишларига ҳарбий аралашувга чақирди. Вазирларга кўра ҳарбий аралашувга рухсат берадиган БМТ келишувининг 7 бўлимини татбиқ этиш лозимдир.
БМТ келишувининг ҳарбий аралашувга рухсат берадиган 7 бўлими кўра, БМТ хавфсизлик кенгаши халқаро тинчлик ва хавфсизликни ҳимоя қилиш ёки янгидан ташкил қилиш учун ҳаво, денгиз ва қуруқлик кучлари воситасида зарур деб топилган ҳар турли ташаббусларни амалга ошириш ҳуқуқига эга.
Айни пайтда АҚШ разведкаси Қўшма Штатлар дастаклаб келаётган Яман ҳокимиятининг иқтидордан қулашини кутилмаган ҳол эканлигини очиқлади. Оқ уйнинг террорга қарши кураш дректори Ник Расмуссен АҚШдан дастак олаётган Яман харбийлари Хусийлар қаршисида мағлубиятга учраганлигини билдирди.
“Хусийлар Санъони қўлга киритиш сари илгарилаб бормоқда. Бир қанча майдонда ўзларига бас кела оладиган кучга дуч келмадилар. Вазият биз тахмин этганимиздан кўра ҳам тезроқ ёмонлашиб бормоқда,” деди Расмуссен.
2014 йилнинг сентябр ойида пойтахт Санъода назоратни қўлга олган Хусилар билан ҳокимиятдагилар ўртасида битим имзоланган эди. Битимда “Уч кун ичида янги ҳукумат ташкил қилиш, президент Абдурробби Мансур Ҳоди ҳеч қандай сиёсий партияга аъзо бўлмаган кишига президентлик вазифасини топшириши, нархи кўтарилган нефт маҳсулотларининг нархи орзонлаштирилиши” каби моддалар ўрин олган. Мансур Ҳоди оффес мудири Аҳмед Авад бин Муборакка ҳукумат ташкил қилиш вазифасини топширган эди.
