Россия ташқи ишлар вазири Сергей Лавров, Хитой ташқи ишлар вазири Ван И ва Ҳиндистон ташқи ишлар вазири Сушма Сварадж Хитой пойтахти Пекинда учрашув ўтказди. Учрашувда мазкур уч давлат ўртасидаги ўзаро ҳамкорлик масалалари кўриб чиқилди. Дунё барқарорлиги ва хавфсизлиги билан бир қаторда халқаро иқтисодий муаммолар ҳам муҳокама қилингани айтилмоқда.
Сунъий йўлдош каналлари орқали тарқатилган хабарларга кўра, мазкур учрашувдан Осиё-Тинч океани минтақасининг халқаро мавзулардаги ролини кучайтириш кўзда тутилган. Шунингдек бу учрашув Шарқий Осиё саммити, Жанубий-Шарқий Осиё давлатлари уюшмаси (АСЕАН) ва Осиё-Европа саммити (АСЕМ) наздида Россия-Хитой-Ҳиндистон орасидаги координациясини ривожлантириш мақсадида Россия, Хитой ва Ҳиндистон ташқи ишлар вазирлари тарафидан ўтказилганлиги айтилмоқда.
Россия ташқи ишлар вазири бу учрашув асносида Ҳиндистонлик ҳамкасби Сушма Сварадж билан алоҳида учрашув ўтказди. Икки давлат ўртасидаги энергия, технология и инновация соҳаларидаги лойиҳаларни амалга ошириш ва иқтисодий алоқаларни ривожлантириш учун ташланиши мумкин бўлган қадамлар устида келишиб олинди.
Шунингдек Лавров Хитой ташқи ишлар вазири Ван И билан ҳам алоҳида учрашув ўтказди. Лавровнинг таъкидлашича, Россия ва Хитой ўртасидаги алоқалар шу кунларда энг юқори даражага кўтарилган.
“Икки давлат ўртасидаги алоқалар аввал юз бермаган ривожланиш босқичидан ўтмоқда”, деди Россия ташқи ишлар вазири.
Хитой ташқи ишлар вазири Ван И эса Россия президенти Владимир Путин билан Хитой президенти Си Цзиньпин ўртасида келишилган битимларни ҳаётда ижро қилиш учун икки давлат ташқи ишлар вазирларининг хизмати катта бўлганлигига урғу берди. Ван И Москва билан стротегик алоқаларни ва юқори даражали ҳамкорликни кучайтириш истагида эканлигини билдирди.
Лавров Пекинда Хитой президенти Си Цзиньпин билан ҳам учрашди. Цзиньпинга Путиннинг саломини етказган Лавров “икки давлат президентлари тарафидан амалга оширилган шартномалар ўзаро муносабатларнинг барча соҳаларда ривожланиши учун мустаҳкам пойдеворни вужудга келтиради”, деди.
Туркистон:
Хозирда Россиянинг энергетик хомашё устига қурилган иқтисодий системасини, Хитой ва у орқали Хиндистон томон кенгайиш билан, вақтинча бўлсада стобиллаштиришга харакат қилади. Бу кенгайиш унга сиёсий томонлама хам ўта мухим. Лекин Россиянинг иқтисодининг вақтинчалик стобиллашиши масаласи, унинг Хитой ва Хиндистон учун фақат хом ашё базасига айланиб олиши билан боғлиқ. Негаки улар хозирда дунёда иқтисодий саноатларининг ривожланиш кўрсаткичларининг ўсиш даражаси бўйича энг илгарилар қаторига кириб бораётган давлатлар туркумидан хисобланишади. Шунинг учун Россия уларни кўпроқ энергетик хамкор сифатида ўзига жалб қилишга зўр бериб харакат қилади. Чунки Россия нафақат Хитой балки Хиндистон бозорларини хам аллақачон бой бериб бўлган. У хозир аксинча улар учун ўта манфаатли бозор сифатида қаралмоқда. Демак хозирги вазиятда, улар ўрталарида товар айрибошлаш кўпроқ Россиянинг хом ашё экспортининг эвазига, улар томондан тайёр махсулот импорт қилиши билан юргизилади. Бу эса Россия иқтисодини саноатлашиш сари йўналтириш сиёсатини барбот қилади. Яна инвесторлар, қўшма корхоналар, бу фақат Путиннинг режимининг банкрот холатидан чиқиб кетиши учун ишчилар ўринлари пайдо қилишга ёрдам бериши мумкин. Лекин Россия бунинг билан аграр давлатга айланиб битади. Аграр давлат эса буюк давлатлар сафида бўлиши мумкин эмас.
