“ТАСС”нинг ўз манбасига таяниб хабар қилишича, Сурия мухолифати ва инқилобий кучлар миллий коалициясидан ташқари деярли барча мухолифат етакчилари Москвада бўлиб ўтадиган сурияликларнинг ўзаро музокараларида иштирок этишга розилик берган.
“Станбулда жойлашган Миллий коалициядан ташқари барча Сурия мухолифати Москва таклифига қизиқиш билан жавоб қайтаришди”, – деди манба.
Москвада бўлиб ўтадиган сурияликларни ўзаро музокараларида Сурия ҳукумати делегациясига Суриянинг БМТдаги доимий вакили Башар Жафарий бошчилик қилади. Хабарга кўра, ҳукумат делегацияси музокараларга 28 январ чоршанба куни қўшилади.
Туркистон:
Қарйиб тўрт йилдан бери Сурияда давом этаётган қуролли тўқнашувлар натижасида 200 мингдан зиёд одам қурбон бўлиб, миллионлаб одамлар ўз турар-жойларини ташлаб кетишга мажбур бўлдилар. Ўтган бу вақт мобайнида мазкур кураш Башар Асад ва мухолифат ўртасидаги курашдан Ислом ва куфр ўртасидаги курашга айланиб улгурди.
АҚШ ташаббуси билан ўтган йиллар давомида уюштирилган “Женева-1” ва “Женева-2” конференцияларида айнан Сурия миллий коалицияси олдиндан ҳеч қандай шартлар қўймай иштирок этишга розилик берган, қолган мухолифат раҳбарлари эса бу конференцияга қизиқиш билдиришмаган эди.
Россия ташаббуси билан уюштирилаётган Москва музокараларида эса Сурия мухолифати ва инқилобий кучлар миллий коалицияси иштирок этишдан бош тортиши бу ҳам навбатдаги ҳийла эканлигидан ва мустамлакачи кучлар бу муаммога ечим топгунларича вақтдан ютиш учун бўлаётган навбатдаги уринишдан бошқа нарса эмаслиги аён бўлмоқда.
