Бельгия қироллиги пойтахти Брюссел шаҳрида Қирғизистон республикаси ва Европа иттифоқи ўртасидаги ҳамкорлик бўйича кенгашнинг 13- йиғилишида иштирок этиб қайтган ташқи ишлар вазири Эрлан Абдилдаев президент Алмазбек Атамбаев билан бўлган учрашувда, Европа иттифоқи Қирғизистонга сайлов тизимини ислох қилиш ва демократик сайловлар ўтказиш учун 10 миллион евро ажратишини маълум қилди.
Бундан ташқари ташқи ишлар вазири, ЕИ Қирғизистонга мамлакатда демократик ва ижтимоий-иқтисодий ўзгаришларни амалга ошириш учун 2014-2020 йилларда қўшимча 184 миллион евро ажратишини ва бу кўрсаткич аввалгига қараганда 74 фоизга кўплигини айтиб ўтди.
Туркистон:
Коррупция, таниш-билишчилик, ишни соҳи мутахассислари эмас, балки орқасида кучли қўлловчиси бўлган шахслар эгаллаши сабабли Қирғизистон ҳукумати иқтисодий муаммолар исканжасига тушиб қолди. Бу муаммолардан қутулиш, имкон қадар халқни нафратига дуч келмаслик учун ҳукумат ўнгу-сўлига қарамай дуч келган давлатдан қарз ва ёрдам пулларини олишга одатланиб қолди.
Йирик давлатлар ва халқаро ташкилотлар томонидан ажратиладиган қарз ёки ёрдам пуллари эса ҳеч қачон эвазсиз бўлмайди, буни ортида мазкур давлатлар ёки халқаро ташкилотлар расмий ҳукуматдан бирор шартни амалга оширишни талаб қилиши табиий.
Олган пулларни оқлаш ва янада кўпроқ ёрдам олиш илинжида, расмий ҳукумат ўз халқи урф-одатлари, қадриятларига мос келиш ёки келмаслигидан қатиъй назар уларнинг шартларини бажаришга киришади. Халқ орасида “мусиқани пул тўлаган буюртма қилади” деган гап бежизга айтилинмаган.
