Афғонистонда Америка армияси катта миқдордаги техник ускуналаридан маҳрум бўлди.
“The Telegraph” газетаси тарқатган хабарга кўра, Пентагон бош муфаттиши 2013 йилнинг молиявий ҳисоботига таяниб билдиришича, АҚШ қуролли кучлари Афғонистонда 420 миллион доллар миқдоридаги ҳарбий жиҳозлар ва техник ускуналарини йўқотган.
Пентагон сўзчиси Жон Кирби бу ишда Америкалик ҳарбий масъулларни айблаб, уларни қаттиқ танқид остига олди. Кибрига кўра, улар Баграм ва Қандаҳордаги АҚШ ҳарбий базасида юз берган йўқотишларга алоқадор маълумотларни яшириб келган.
Ҳарбий ускуналар йўқ қилинганми ёки душманнинг қўлига тушиб қолганми, буниси ноаниқлигича қолмоқда. Айни масалага эътибор қаратган бош муфаттиш бу турдаги сарф харажатлар 13 йилдан буён Афғонистонда ҳарбий амалиётлар уюштириб келган Америка ҳарбийлари учун салбий таъсир кўрсатишини урғулади. Бундан ташқари ярим миллиард долларга яқин йўқотишлар сабабли бирор кимса жавобгарликка тортилган эмас.
Бу йўқотишлар орасида қурол-яроқ системалари, транспорт воситалари, алоқа воситалари ва жанг ускуналари ҳам бор.
Бундан аввал Афғонистондаги лойиҳалар учун Қўшма Штатлар ажратган пул қандай сарфлангани устида текширув ўтказган махсус инспектор аянчли хулосага дуч келган эди. Махсус инспекторнинг маълум қилишича, миллиардлаб долларлар ижро назоратининг етишмаслиги ва масъулиятcизлик сабабли кўкка совурилган.
