Россия ва Миср ўртасида 30 йиллик танаффусдан сўнг яна қурол яроқ савдоси қайта тикланди. Иқтидорга келган Миср президенти Абдулфаттоҳ ас-Сиси Москвага қилган сафари чоғида Россия президенти Владимир Путин билан учрашиб ҳарбий ҳамкорлик ва қурол яроқ савдоси мавзусида келишиб олган эди.
Икки давлат ўртасида тузилган битимда Россия Мисрга 3,5 миллиард долларлик қурол сотиши айтиб ўтилган. Россия федерацияси ҳарбий технология хизматининг раҳбари Александр Фоминнинг маълум қилишича, Миср билан имзоланган битимда кўрсатилган барча қурол яроқлар Мисрга етказиб берилади.
Фомин Россияга қаратилган Ғарб давлатларининг санкцияларига қарамай, ўртада келишилган қурол яроқ сотиш битимларидан келиб чиқиб, Россия барча масъулиятларини бажаришда давом этишини қайд этди.
“Портфелимизга бугунга келиб 48 миллиард доллар тушди. Спортчилар каби ҳар куни машғулотларимизни амалга оширишимиз ва янги рекордларни қўлга киритишимиз лозим. Рўйхатга ҳар куни янги келишувлар қўшилиб бормоқда”, деди Фомен.
Мисрлик ҳарбий мутахассис Ҳассам Сувайламнинг билдиришича, Миср Россиядан танкка қарши қўлланиладиган “Kornet” ракета тизимлари, Tor-M1 ҳаво мудофаа тизимлари, Mi-8 ва Mi-17 русумли верталётлар ва Mikoyan MiG 29 русумли қирувчи самалётлар сотиб олади.
Рус манбаларига кўра, Миср Россиядан MiG-35 қирувчи самалётлар, S-300, S-400, Buk-M2E ва Tor-M2E, сувости кемаларини ҳам сотиб олиш истагида.
Миср Россиядан сотиб оладиган қурол яроқнинг 2 миллиард долларлик қисми Саудия Арабистони тарафидан молиялаштирилиши даъво қилинган эди.
Men misr amerikani mustamlakasi deb bilardim nega misr amerika sanksiyalariga rioya qilmadi yoki bu wartnoma oldin bolganligi sababliy hozirgi vaziyatga aloqasi yöqmi yo misr yani sisiy rossiyaga sotildimi qani kuzataylikchi bu malunlarni