Тожикистон пойтахти Душанбе шаҳрида 11-12 сентябр кунлари Шанхай ҳамкорлик ташкилотига аъзо давлатлар раҳбарларининг навбатдаги саммити бўлиб ўтади. Мазкур саммитда Россия, Қозоғистон, Қирғизистон, Ўзбекистон, Хитой, Тожикистон ҳамда кузатувчи ва мехмон давлатлар раҳбарлари ҳамда халқаро ташкилотлар иштирок этишди.
Россия ташқи ишлар вазири Сергей Лавровнинг хабар қилишича, саммитда Покистон, Хиндистон ва Эрон давлатларига ташкилотга тўлақонли аъзо бўлиш имконини берувчи қарор қабул қилиниши кутилмоқда. Саммит якунланиши билан ташкилотга раислик қилиш вазифаси бир йил муддатга – кейинги саммитга қадар – Россияга ўтади.
“Душанбеда бўлиб ўтадиган саммитда, ШҲТга янги аъзоларни қабул қилиш бўйича шароит пайдо қилувчи ҳуқуқий, маъмурий ва молиявий меъёрларни якунловчи қарор қабул қилиш керак бўлади”, – деди Сергец Лавров.
“Бу эса Россия раислиги даврида ташкитлотни кенгайтириш жараёнини бошлашга имкон беради. Бунга қўшимча равишда кузатувчи давлатлар билан ҳамкорликни кучайтиришга кўмаклашамиз”, – деб қўшимча қилди Лавров.
Унинг сўзларига кўра, ташкилотга тўлақонли аъзо бўлиш учун Покистон, Хиндистон ва Эрон давлатлари ариза топширишган.
