Саудия Арабистонининг қироли Абдулло Мароккога сафари чоғи Қоҳира Аэропортига бир қўниб ўтди. Инқилоб бошлангандан буён биринчи марта Мисрни зиёрат қилаётган Қирол Абдулло Мисрнинг янги президенти Абдулфаттоҳ Ас-Сиси, Миср бош вазири Иброҳим Миҳлиб ва мудофаа вазири Сидқи Субҳи билан учрашди.
Миср давлат телевидениясининг хабарига кўра, раҳбарлар ўртасидаги учрашув 35 дақиқага яқин давом этган. Учрашув самалёт ичида бўлиб ўтди. Чунки Қоҳирадаги халқаро аэропортга қўнган қирол Абдуллоҳ ўз самолётидан тушмади, балки Миср президенти Ас-Сиси, бош вазир Иброҳим Миҳлиб ва мудофаа вазири Сидқи Субҳи Қирол билан учрашиш учун самалётга чиқишди.
Саудия қироли самолётдан тушмай Миср расмийлари билан учрашган бўлса ҳам Миср матбуоти Қролнинг сафарини расмий сафар деб талқин қилиши диққатни тортди.
Қирол Абдуллоҳ Мисрда кечган ҳарбий тўнтаришдан сўнг берган баёнотида Мисрнинг қоронғу туннелдан чиққанлигини таъкидлаган эди. Мисрда ҳарбий хунта ҳокимиятни қўлга киритганидан сўнг Мисрга иқтисодий ёрдамлар кўрсатган Саудия ҳукумати охирги пайтда Ас-Сисининг президентлик сайловида ғалаба қозонгани эълон қилиниши ортидан Миср учун донорлар йиғилишини ташкил қилиш зарурлигини айтиб чиққан эди.
