“Ал-Арабия”га интервью берган Туфайлий Асад режими қулагандан сўнг Ливан шиялари олдида икки йўл, ё Исроил билан бирга бўлиш ёки Суриядаги суннийлар сафидан жой олиш танлови борлигини билдирди. У Ливан шияларини огоҳлантириб “Исроил билан эмас, суннийлар билан бирга бўлинг”, дея мурожаат қилди.
Ливан ва Ироқдаги сиёсатни АҚШдан мустақил эмаслигини урғулаган Туфайлий Ироқдаги шиялар ва Ливандаги суннийлар АҚШ билан бирга бўлиш билан асло муваффақиятга эриша олмаслигини таъкидлади.
“Бу жоҳилларга ва ҳеч бир нарсадан хабари бўлмаган бечораларга айтиладиган бир сўздир. Ироқдаги шиялар ва Ливандаги суннийлар АҚШ билан иттифоқ тузиш орқали ҳеч нарсага эриша олмайди. Фақат Америка ютуққа эришади. Ливан ҳам, Ироқ ҳам қилган ишлари билан Америкага хизмат қилган бўлади”, деди Туфайлий
Шайх Туфайлий аввал ҳам Ҳизбуллоҳ аскарларини Суриядаги мусулмонларни ўлдиришини қаттиқ қоралаб, шия-сунний фитларини олдини олишга чақирган эди.