Россия президенти 16 март куни ўтказилган референдумга асосан Қримнинг мустақиллигини тан олиш тўғрисидаги фармонга имзо чеккан эди. Россия президентининг бу қарорига жавобан “Катта саккизлик” давлатлари сафидан ҳайдалди.
Россиянинг G8 – “Катта саккизлик”даги аъзолиги тўхтатилди. Бу ҳақда Франция Ташқи ишлар вазири Лоран Фабиус Europe 1 радиостанциясига берган интервьюсида маълум қилди.
Россиянинг “Катта саккизлик”дан ҳайдалашига Украина борасида тутган позицияси сабаб бўлди. Эндиликда “Катта еттилик”ка айланган халқаро клуб аъзолари бугун кечқурун йиғилиш ўтказади.
Жорий йилнинг 4-5 июнь кунлари Сочи шаҳрида “Катта саккизлик” давлатлари – АҚШ, Германия, Франция, Буюк Британия, Италия, Канада, Япония ва Россия иштирокида саммит ўтказилиши режалаштирилган эди. Бироқ Украинадаги инқироз борасида Россия тутган йўл сабаб G8 саммитига тайёргарлик тўхтатиб қўйилган эди.