Болаларни ўғирлаш Марказий Африка мусулмонларига қарши курашда ишлатилаётган янгича қуролдир
«Юнисеф» ташкилотининг жорий йил 3 мартда берган хабарига кўра, 24 февралда Марказий Африка республикасининг Банги шаҳрида насроний жиноятчи тўдалар томонидан 3 ва 13 ёш атрофидаги болалар ўғирлаб кетилиб, бир жойда сақланган. Бу бечора гўдакларнинг ўғирлаб кетилиши қатор аянчли режаларнинг янги бир қисми бўлиб, юрт мусулмонлари дуч келаётган этник тозалаш кампаниясининг янгича террор қуроли сифатида суръат билан тарқала бошлади. «Юнисеф» ташкилотининг Марказий Африкадаги инсонпарварлик масалалари бўйича катта координатори Абдо Диенг бундай баёнот берди: «Ўғирланган бу болалар даҳшатли кунларни бошдан кечиришган… Шу вақт мобайнида уларга ўлдирилиш билан таҳдид қилинган… Уларнинг оналари яқиндагина вафот этган. Сўнг улар оталаридан ҳам узоққа олиб кетилган».
Бу БМТ томонидан ёритилган бирдан-бир воқеа, холос. Бундан ташқари, мана шундай минглаган даҳшатли ҳодисалар ҳам борки, улар Марказий Африка республикасидаги чорасиз қолган болалар ва аёллар устида олиб борилаётган кунлик тажрибага айланиб қолган. 24 феврал куни «ABC News» ахборот агентлиги Иброҳим Адаму исмли 7 ёшли болакай ҳикоясини чоп этди. Болакайнинг ҳикоя қилишича, у ота-онасининг ўлдирилганини ўз кўзи билан кўрган ва то қутқарув гуруҳи томонидан топилгунга қадар овқат-озиқсиз, бошпанасиз 100 километр йўлни пиёда босиб ўтган… Унинг беш нафар туғишганлари тақдири ҳамон номаълумлигича қолмоқда. Болакайнинг айни ҳикоясига Карно минтақасидаги ўн ёшга етмаган етти нафар болакайлар ҳодисаси ҳам жуда ўхшайди ва ундан ҳам даҳшатлидир. Хуллас, Марказий Африка республикаси болалари нафақат зўравонлик ва сиёсий тартибсизликдан иборат зулматли муҳитда яшамоқдалар, балки бугунги бундай бўҳрон тўйиб овқатланмаслик ва очарчилик муҳитининг тобора мураккаблашишига ҳам ўз ҳиссасини қўшмоқда. Бу бўҳрон реал қўрқув остида қолган кучсиз ёшларни ҳам ўз домига тортди. Улар насроний жиноятчи тўдаларнинг ҳайвоний қилмишларига дучор бўлмоқда. Уларнинг бу қилмишларига илмоний демократик режимлар, мустамлакачи Ғарб давлатлари ва шунингдек Ислом оламидаги бераҳм қўрқоқ режимлар кўз юмиб келмоқда.
Биз Ҳизб ут-Таҳрирга аъзо аёллар бундай зулм қаршисида индамай томоша қилиб турган томонлардан бири бўлишни истамаймиз ва барча мусулмонларни аёлларимиз фарёди ва гўдакларимиз ноласи олдида сукут сақлаб жим қараб турган ҳукмдорларимизни қоралашга тарғиб қиламиз. Шунингдек, Марказий Африка, Сурия, Мьянма… каби Ислом юртларидаги мазлум мусулмонларни қутқариш сари армияларни ҳаракатга келтиришдек Аллоҳ Субҳанаҳу ва Таоло тарафидан буюрилган вазифани эътиборсиз қолдирмасликка чақирамиз. Дунёнинг барча минтақасидаги мусулмонларни Халифалик давлатини қайта барпо этиш учун ҳаракат қилишга даъват қиламиз. Чунки ёлғиз шу давлатгина болаларни бундай зулмлардан ҳимоя қила олади. Масалан, саккизинчи асрда ҳам шундай ҳодиса бўлганди. Ўшанда Синд минтақасида мушрик ҳинд Ража Доҳир бир неча мусулмонларнинг аёллари ва болаларини асирга олади. Шунда Халифалик давлати уларни қутқариш учун дарҳол Муҳаммад ибн Қосимни тиш-тирноқларигача қуролланган олти минг отлиқ аскарга қўмондон қилиб жўнатади. Халифалик давлати нафақат асирдаги мусулмон аёллар ва болаларнигина қутқаради, балки бутун Синд минтақасини фатҳ қилиб, уни мустабид мушрик ҳиндлар ҳокимиятидан халос этади. Биз Ҳизб ут-Таҳрирга аъзо аёллар Ҳизб амири улуғ олим Ато ибн Халил Абу Роштанинг етакчилиги остида туну кун фаолият олиб бораётган эканмиз, бу бутун дунё мусулмонлари манфаати учун амалга оширилаётган хизматдир. Бу хизмат эса Халифалик давлатида гавдаланувчи соф исломий сиёсий намунани қайта тиклаш йўлида жиддий фаолият қилиш орқали бўлмоқда. Зеро, Халифалик давлати Муҳаммад ибн Қосимнинг ишларида гавдаланган тарихий устунликни қайта жонлантириш устида иш олиб боражак. Ўшанда Муҳаммад ибн Қосим Аллоҳ Субҳанаҳу ва Таолонинг қуйидаги амрини қабул қилиб, истибдод остида қолган мусулмонларнинг аёллари ва болаларини қутқариш учун ҳеч иккиланмай ўз армиясини сафарбар қилган эди:
«Сизларга нима бўлди, Аллоҳ йўлида ҳамда эркаклар, аёллар ва болалардан иборат бечоралар йўлида жанг қилмаяпсиз, улар Роббимиз, бизни эгалари золим бўлган бу шаҳардан озод қил ва бизга ўз ҳузурингдан бир дўст бергин, бизга ўз ҳузурингдан бир нусрат-ёрдам берувчи бергин, демоқдалар»
[Нисо 75]
Ҳизб ут-Таҳрирнинг
марказий матбуот бўлими аёллар қисми
уяли телефон: 00961 71 72 40 43
Факс: 00961 130 75 94
электрон почта: media@hizb-ut-tahrir.info