Мисрда сўнгги кунларда зўравонлик ва тинч намойиш қилиш учун кўчага чиққан қуролсиз кишиларга қарши ваҳшийлик яна давом этмоқда. Ҳарбий тўнтаришга қарши нафас ҳам олдирмасликка қасам ичган ҳарбий хунта бошқаруви қатлиом қилиш учун қулочини кенг ёя бошлади.
Куни кеча тинч намойишчиларга карши ҳарбийлар ва хавфсизлик ҳаракати тарафидан яна куч ишлатилди. Искандария шаҳрининг Башир кварталида ҳарбий тўнтаришга қарши тинчимаётган намойишчиларга қарши ТОМА қуроли ишга солиниши оқибатида 15 киши ҳаётдан кўз юмди, 50 дан ортиқ киши оғир жароҳат олди. Жароҳат олганларнинг аҳволи оғир эканлиги айтилмоқда. Намойишчилар кўп қон тўкилишининг олдини олиш учун Таҳрир ва бошқа майдонларга кирмасликлари айтилган эди.
Таҳлилчилар вазиятнинг янада ёмонлашишидан хавотирда. “Зуғум ўтказишдан фойда йўқ. Бундай чора иш бермайди. Бу ҳукуматнинг такаббурлигидан далолат”, – дейди Мисрдаги Америка университети профессори Эмад Шаҳин.
2011-йилги инқилоб ҳаяжони ҳануз босилгани йўқ. Эмад Шаҳинга кўра, ҳукумат норозиликларни осонликча бостира олмайди.
Бошқа таҳлилчилар ҳам Шаҳиннинг фикрига қўшилади. “Бир гуруҳ намойишчини куч билан бостириш мумкиндир, аммо бутун халқ ҳаракатига қарши куч ишлатиб бўлмайди”, дейди улар. Таҳлилчиларнинг фикрича, 2011 йил инқилоб ясаб, президент Ҳусни Муборакни ҳокимиятдан ағдарган мисрликлар исталган пайтда яна бош кўтариши мумкин.
