Маълумки, Саудия Арабистони АҚШнинг Ислом ўлкаларидаги энг яқин иттифоқдошларидан ҳисобланади. У АҚШнинг гапига кириб, Сурия мухолифатини дастаклаб келаётгани ҳам ҳеч кимга сир эмас. Ҳар доим хабарларда Саудия Арабистони қироллигининг АҚШ билан яқинлиги ва минтақадаги АҚШ манфаати борасида у билан ҳамкорликда ҳаракат олиб бораётгани айтилади.
Бундан ташқари АҚШ билан ҳамкор сиёсат юритиб Сурия мухолифати тарафида турган Саудия қироллиги Кўрфаз жанги, Афғонистон ва Ироқ уруши ҳамда Яман ва Сомали миссияларида АҚШ учун полиция бўлими вазифасини бажариб келган.
Куни кеча Саудия Арабстони разведкаси бошлиғи шахзода Бандар ибн Султон Россия президенти Владимир Путин билан учрашиб, агар Москва Башар Асадни қўллаб қувватлашини камайтирса, бунинг эвазига Саудия Россиядан 15 млрд долларгача миқдордаги рус қуролини сотиб олишликни таклиф қилганлиги ҳам бунинг бир далилидир.
Аммо кутилмаганда юзага келган кейинги ҳодисалар эса Саудия қироллиги Мухолиф кучларни эмас, балки Асад режимини дастаклаб келганлигини кўрсатмоқда. Маълум бўлишича, мухолиф кучлар қўлга киритган Асад тарафдорларига тегишли ҳарбий авто уловлар Саудия арабистонига тегишли эканлиги ва 2012 йилда келтирилганлиги аниқланган.
Youtube.com порталида намойиш қилинган “Саудия ҳокимияти Асад режимини дастакламоқда”, (http://www.youtube.com/watch?v=SvOggiE_uLo) номли видео лавҳада Асад кучларига тегишли ҳарбий автоуловларнинг мухолиф кучлар томонидан қўлга туширилганлиги акс эттирилган. Унда қўлга олинган ҳарбий автоуловлар Судияга тегишли эканлигини тасдиқловчи далиллар кўрсатилган.
