Эркак ва аёлларнинг аралашиши харом, унинг далиллари тафсилотлари билан келган. Расулуллоҳ С.А.В. ва у зотдан кейин сахобалар Р.А. давридаги мусулмонлар ҳаёти ҳам бунга гувоҳ. Шунингдек, «Ижтимоий низом»да бу ҳақда тўлиқ бахс юритилган. Эркак ва аёлларнинг аралишиши Аллоҳнинг Китоби ёки Пайғамбарининг суннатида насс келган бўлиб, шариат тасдиқлаган эхтиёж, масалан: олди-сотди, сийлаи рахм ва ҳоказолардан ўзга холатларда жоиз эмас.
Эркак ва аёлларнинг банкет-тўйхоналарда аралашиб юришлари тўғрисида насс келган эмас. Балки Расулуллоҳ С.А.В. ва у зотнинг сахобалари Р.А. давридаги ҳолат шундай эдики, аёллар келин билан бирга ўзлари алохида, эркаклар ҳам алохида бўлишар эди. Шу сабабли, тўйхоналарда аралашиб юриш харом бўлиб, истисно қилинган холат мавжуд эмас. Никох тўйлари тўғрисида келган насс шуки, аёлни тантанали равишда эрининг уйига элтиб қўйишда. Шу боис, уни эркагу аёллар эрининг уйига олиб бориб қўйишлари жоиз. Сўнгра эса эркаклар аёллардан алохида бўлишади. Чунки бу холат Расулуллоҳ С.А.В. даврларида ўз исботини топиб, у зот шуни тасдиқ қилганлар.
Шунга кўра, эркак ва аёллар тўйхоналарда ажралмасдан, яъни алохида икки хонада бўлмай, бир жойда бўлишлари харом. Агар авратлар очиқ бўлса - бундай холатларда кўпроқ шундай бўлади - харомлиги янада ошади. Шунингдек, куёв келиннинг ёнида ўтириб, уни махраму номахрам аёллар ўраб олиши харом, айниқса улар авратлари очиқ холда бўлса. Шу кунларда куёвнинг атрофида турадиган аёлларда кўпроқ шундай холат мавжуд.
Аммо бу оммалашган ходисалардан, деган гапга келсак, у харомни халолга айлантирмайди. У гап шариатга зид бўлгани учун, ундай гап айтувчиси рад қилинади. Айни пайтда ўз динини махкам ушлаган шахсларни, яъни мусулмон киши Исломни махкам ушлаган пайтда юз берадиган мусибат шиддатидан чўқни ушлагандай бўлиб қолишини айтиб, уни мақтаган ҳадислар мавжуд.
Расулуллоҳ С.А.В. дедилар: «Одамларнинг бошига шундай давр келадики, уларнинг ичидан динини қаттиқ ушлаган инсон худди чўғни ушлаган кишидек бўлади».
|
Муаллиф
Тўйлар
