Савол жавоб майдони

Ва алайкум ассалом ва раҳматуллоҳи ва барокатуҳ.

Агар бир жамоа навбатдан тўплаб беришга келишиб, ҳар ҳафтада биттаси учун маълум миқдорни тўплаб беришлари жоиз. Бу бир бирига қарз бериб туришга тўғри келади. шариатда қарз бериб туриш жоиз. Ибн Ҳиббон ва ибн Можа ибн Масъуддан ривоят қилишича, Пайғамбар(с.а.в):

«مَا مِنْ مُسْلِمٍ يُقْرِضُ مُسْلِمًا قَرْضًا مَرَّتَيْنِ إِلاَّ كَانَ كَصَدَقَتِهَا مَرَّةً»
«Қайси бир мусулмон яна бир мусулмонга икки марта қарз берса, бир марта садақа бергандек бўлади», деганлар. Муҳтожга қарз бериш мандубдир. Қарз сўраш макруҳ эмас. У ҳам мандуб. Зеро, Пайғамбар(с.а.в) ҳам қарз сўраганлар.

Фақат қарз берган нарсасини ўзини қайтариб олиш керак. Агар берган пулига қадри тушганлигини сабаб қилиб озгина бўлса ҳам қўшиб қайтаришлиги билан, масалан: бозорда 50.$. таҳминан 10 кг. гўштга баробар бўлса, олти ойдан кейин хозирда 10кг гўшт 55.$. бўлиб қолди. Шунинг учун мен олган 50.$. ўрнига 55.$. қайтараман деса, шу судҳўрлик бўлади. Сўдҳўрлик эса ҳаром. Бунга далил, Хорис ибн Абу Усома Али(р.а)дан ривоят қилган ушбу ҳадисдир: «Пайғамбар(с.а.в) фойда келтирадиган қарздан қайтарганлар».Яна бир ривоятда: «Фойда келтирган ҳар бир қарз, рибодир», дейилган.
Муттақий.