Савол жавоб майдони

Ва алайкум ассалом ва раҳматуллоҳи ва барокатуҳ.

Никоҳ икки томонлама тузиладиган битим бўлиб, бу битим қизнинг ризосисиз тузилмайди, яъни никоҳ йўқ, зино бўлади. Мажбурий равишда бўлса ҳам битимга розилик берса, шаръан никоҳ ҳисобланади. Абдуллоҳ ибн Бурайда отасидан ривоят қилади: «Бир қиз Расулуллоҳ(с.а.в)нинг ҳузурларига келиб: «Отам акасининг ўғлининг мавқеини кўтариш учун мени унга турмушга берди», деди. Шундан сўнг қизга ихтиёр берилди. Қиз: «Мен отам қилган ишга ижозат бердим. Лекин мен ихтиёр оталарнинг қўлида эмаслигини аёлларга билдириб қўйишни истадим», деди». (Ибн Можа ривояти).

Бу битимни амалга ошираётган шахс банда, қалбдаги нарсаларни билмайди. Иҳтиёрий билан мажбурийни ажрата олмайди. Қиз ҳаёдан мажбурийдек жавоб бериши ҳам мумкин. Шунинг учун зоҳирга караб никоҳ битимини тамомлайди.
Аммо шариатга зид равишда зўрлаб бировга бермоқчи бўлганда уйдан қочиб кетиши жоиз. Набий(с.а.в) дедилар:

«لاَ طَاعَةَ لِمَخْلُوقٍ فِي مَعْصِيَةِ الْخَالِقِ»

«Холиққа осий бўлинадиган ўринда махлуққа итоат қилинмайди». Аҳмад ривояти.

Муттақий.