Амалий фанлар университети профессори ва фармацевтика факультети тадқиқотчиси, Иорданиялик машҳур мутафаккир доктор Ияд Кунайбий Иордания полицияси томонидан қамоққа олинди. Кейинги олинган хабарларга кўра, 15 июн душанба куни Кунайбийнинг иш жойига, яъни университетга бостириб кирган полициячилар профессорни ўзлари билан полиция марказига олиб кетишган ва шундан сўнгра у кишини қамоққа олинганлиги маълум қилинган.
Иёд Кунайбийнинг қандай айбга биноан қамоққа олинганлиги ҳақида бирор бир маълумот йўқ. Аммо бироз аввал Доктор Кунайбий Иорданияда бўлиб ўтган охирги ҳодисалар ҳақида мақола ёзган эди. Доктор ўзининг мақоласида Иордания жамоатчилиги юз тутаётган муаммоларни моддаларга ажратиб бирма-бир тақдим қилади.
10та моддадан иборат мақоласида Иёд Кунайбий мамлакатда бузуқлик ва Фаҳш ишларга сабаб бўладиган тадбирлар давлат бошчилигида ташкил қилинаётганини танқид остига олар экан, ҳижобли муслималар “терроризмга қарши кураш” номи остида тазйиқларга дучор бўлаёганига эътибор қаратади. Докторнинг ёзишича, 13-18 ёшлардаги йигит қизлар “яҳудийлар билан учрашиб туришсин”, деган мақсадда сионистлар ўйин-кулгу масканларига ва сузиш ҳовузларига олиб борилган.
Шунингдек Иёд Кунайбий Иордания иқтисодини кучайтириш баҳонасида Исроил билан газ шартномаси тузилганлигини, давлат раҳбарларининг “Charlie Hepdo” карикатураси ортидан юзага келган Франциядаги юришларга расман иштирок этганлигини, Ўлик Денгиз йиғилишида Шимон Пересни тинчлик қаҳрамони сифатида намоён қилинганлигини, ҳамжинсбозлар (гейлар ва лесбянкалар) мамлакатда очиқ тарзда фаолият юритишлари учун АҚШ элчисининг ташрифи муносабати билан йиғилиш ташкил қилинганлигини қаттиқ танқид остига олади.
“Халқнинг аксарияти ухлашда давом этмоқда. Ҳеч бир расволикни рад қилиш каби дарди йўқ. Ҳатто ўз уйини ислоҳ қилишдан ҳам қочадилар”, “Давлат масъулларига ялтоқланмай, иккиюзламачилик қилмай, бу ишлар ҳақида яхшилаб ўйлаб кўринг. Аксинча уларнинг қилаётган ишларига шерик бўласизлар”, “Буларни барчасини эсдан чиқармангки, Аллоҳдан бало келганда “нима учун”, деб сўраб ўтирманг”, дейилади жумладан Доктор Кунайбийнинг мақоласида.
Туркистон: Оллох сабр берсин биродаримизга.
