ББС қирғиз хизматининг хабар қилишича, Қирғизистон ҳукумат етакчиси Жоомарт Отурбаев энергетика масаласида муаммолар мавжудлигини айтиб, сув захирасининг озлиги сабабли бу йил энергетика тақчиллиги юзага келишини маълум қилди.
“Ўзбекистон билан газ борасидаги музокаралардан самара чиқмаяпти. Бу йил газ бермай қўйиши мумкин. Халққа тўғрисини айтишимиз керак, сув захирамиз озроқ. Электр энернияда тақчиллик бўлади. Афсуски Ўзбекистон газини бизга бермаяпти. Менимча, қишгача бермаса керак. Шунинг учун Ўш шаҳар бўйича энергетика қувватини оширишимиз лозим. Президент 30 миллион доллар Россиядан грант ояпти. Биринчи ўринда 261 миллион доллар маблағни энергетикага сарфлаймиз”, деди Отурбоев.
Мутахассисларнинг айтишича мамлакатда электр энергия истеъмоли кундан кунга ортиб бормоқда. Айни пайтда Токтогул сув омборида ҳам сув захираси оз.
Отурбоев шу вақтгача элекрт энергиясини чет давлатларга сотиб келган Қирғизистон давлатини эндиликда ўзи бошқа давлатдан сотиб олишга мажбур бўлаётганини урғулади.
“Аввал электр энергияни экспорт қилган бўлсак, энергетика тақчиллиги сабабли энди ўзимиз Тожикистондан сотиб оляпмиз. Чунки халқнинг сони кундан кунга ортиб бормоқда. Шунинг учун ишлаб чиқарилган 14 млрд. кв соат электр энергияси етмай қоляпти. Бу аҳволдан қутилиш учун жуда кўп обьектларни кўмир билан иситишга ўтишимиз керак. Масалан Ўш минтақасини арзон кўмир билан таъминлаш учун махсус база тузилади. Бишкек, Ўш шаҳарларидаги бир қанча минтақалардаги обьектларни кўмир билан иситишга ўтказишимиз керак”, деди ҳукумат бошчиси.
Президент 30 миллион доллар Россиядан грант ояпти. Биринчи ўринда 261 миллион доллар маблағни энергетикага сарфлаймиз”, деди Отурбоев.
Uzi 30-millon qarz olsa,qandaq 261-millon sariflaydi.Qolgan pulni buyujetdan yani hazinadan oladimi ???