بِسْمِ اللهِ الرَّحْمٰنِ الرَّحِيمِ
Фаластин режими фарзандларимизни таълимдан маҳрум қилмоқда ва муаллимлар ҳақ-ҳуқуқини поймол этмоқда!
Доктор Мусъаб Абу Арқуб
Ҳизб ут-Таҳрир – муборак
Фаластин замини матбуот бўлими
Ишғол қилинган Ғарбий Соҳилдаги давлат мактаблари ўқитувчилари ҳукумат ва таълим вазирлигининг улар билан имзоланган келишувдан воз кечишига норозилик сифатида очиқ иш ташлаш акциясини давом эттирмоқдалар.
Ғарбий Соҳилдаги аксарият мактабларда давом этаётган ўқитувчиларнинг иш ташлаш ҳаракати кетма-кет беш ҳафтадирки давом этмоқда. Улар ҳукумат билан имзолашган ва ҳукумат риоя қилмаётган шартномага асосан тўлиқ иш ҳақлари ва қўшимча 15 % бонус берилишини талаб қилишмоқда.
Бу кризис янги эмас, аксинча янгиланиб бормоқда ва Фаластин маъмурияти уни у йилдан бу йилга ўтказиб келяпти. Кризис илдизи эса, маъмуриятнинг таълим соҳасига эътибор бермаётганлигига ҳамда унга жуда оз ва бошқа бюджетларга нисбатан деярли аҳамиятсиз бюджет ажратаётганлигига бориб тақалади. Чунки масалан, маъмуриятни қўриқлашдан бошқа вазифаси бўлмаган хавфсизлик секторига жуда катта бюджет ажратилади!
Таълим сектори Фаластин маъмурияти эътиборидан ташқирида қолган. Чунки у яҳудийлар билан хавфсизлик бўйича ҳамкорлик қилиш ҳамда халқаро ва хавфсизлик шартномалари оқибатларини кўтариш билан банд. Ҳамма саъй-ҳаракатини ўша шартномаларни ижро этишга ва уларни Фаластин аҳлига қарши татбиқ этишга қаратган. Жумладан, номинг ўчгур CEDAW конвенцияси ва бошқа шартномалар Ғарб сақофатини муборак замин аҳли миясига қуйиш ва ушбу заминдаги бирдамликлари ва барқарорликларини издан чиқаришга қаратилган.
Фаластин аҳлининг ёрдам пуллари эвазига қурилган, жиҳозланган ва таъмирланган мактабларга маъмурият деярли эътибор бермайди ҳамда ота-оналар томонидан таъминланган эҳтиёжларини билмайди!
Чунки Фаластин режими ғамхўр режим эмас, солиқхўр режимдир. Унинг юртларимиздаги бошқа режимлардан фарқи йўқ. Ҳатто солиқ ва тўловлар йиғиш унинг асосий ташвишига айланган. Чунки ҳар бир лицензиялар, тасдиқловлар, тўловлар ва маъмурият идораларига қатнаш талаб қилинган рухсатномалар, барчаси Фаластин аҳли елкасини қамчидек саваламоқда.
Бошқа томондан, бу маъмурият ишчилар маошларини тўлашдек ўз масъулиятини бажармаяпти. Зотан, айни маошлар на юқори нархдаги турмушга етади, на оғир солиқларга ва на мажбурий тўловларга… Устига-устак маъмурият бу нарсалар билан зулм, қашшоқлик ва муҳтожлик доирасини кундан-кунга кенгайтирмоқда!
Муаллимлар сектори ҳам мана шу мазлумлар гуруҳига мансуб. Ҳар доим адолат талаб қиладилару адолат кўрмайдилар. Чунки Фаластин маъмурияти уларга орқасини ўгирган ва улар билан тузган шартномасига амал қилмаяпти!
Таълим сектори ва ўқитувчилар шундай бир маъмурият балосига дуч келганларки, бу маъмурият умуман уларга эътибор бермай, улар билан тузилган шартномаларига амал қилмай, талабларини умуман бажармай келади, аммо яҳудийлар билан тузган шартномаю келишувлартга содиқ қолиб, уларни амалга ошириш учун Фаластин аҳлини бостириб келмоқда. Ҳатто яҳудийлар билан тузган келишувларга муқаддаслик сифатини беряптики, буни «Муқаддас хавфсизлик келишуви» мисолида кўриш мумкин!
Бу қандай маъмурият бўлдики, хиёнат ва душманга хизмат қилишни муқаддас деб билса, ўз халқини ва ўқитувчиларини алдаса, улар билан имзолаган келишувларини депсаб кетса?!
Ҳа, Фаластиндаги таълим секторидан аввалу охир жавобгар маъмуриятдир. Чунки унинг ўзи айни масъулиятни зиммасига олган. У ўзини ҳокимиятда ушлаб туриш учун, шунингдек, вазирликлари, элчилик ва консулликлари учун Фаластин аҳлидан солиқлар йиғмоқда.
Шунинг учун ўқитувчиларга адолат қилмоқ ва таълим соҳасини ғамхўрлик билан бошқармоқ Фаластин маъмуриятининг бурчи эди. Аммо у ўқитувчиларга орқа ўгириш билан фарзандларимизни кўчага ташлаб қўйиб, яҳудийлар босқинчилигига ва мустамлакачилар режаларига қарши чиқа олмайдиган саводсиз авлодларни етиштиряпти!
Шу боис, Фаластин аҳлидан бундай маъмуриятга қарши қўзғалиб, уни айни муҳим сектор олдидаги масъулиятига амал қилишга мажбурлаш талаб қилинади. Чунки авлодларимиз ўзларининг таълим олиш ҳуқуқларидан маҳрум қолмасликлари керак ҳамда таълим жараёни маъмуриятнинг такаббурлиги, саркашлиги ва ўз масъулиятидан тонишига нишон бўлиб қолмаслиги шарт!
Маъмуриятнинг ўқитувчи биродарларимиз қадр-қимматини поймол қилишига, шунингдек, адолатли талабларини эътиборсиз қолдириб, уларни қашшоқлик даражасидан ҳам пастга тушириб юборишига сукут сақлаш мумкин эмас. Шундай экан, Фаластин аҳли, отана-оналар ва ўқитувчилар зиммасига тушаётган вазифа маъмуриятни ўз масъулиятига амал қилишга ва айни муаммони ҳал этиб, таълим жараёнини қайта йўлга солишга ва қилиниши шарт бўлган ишларни амалга оширишга мажбурлашдан иборат.
Ислом Уммати ва Фаластин аҳли ўз ҳуқуқларига эришишга қодирдирлар. Чунки заиф маъмурият олдида улар кучлидирлар. Бунга мисоллар кўп, жумладан, Россия Тамим ибн Авс Дорий вақфини ўз мулкчилигига ўтказилишини талаб қилган пайтда Фаластин аҳли ҳаракатга келиб, буни олдини олишга қодир бўлдилар. Шунингдек, CEDAW конвенцияси каби жинояткор келишувлар қаршисида туришга ҳам, аҳлимизни савалашга қаратилган «ижтимоий хавфсизлик» қонунининг ушбу муборак заминда татбиқ этилишига йўл қўймасликка ҳам муваффақ бўлганлар. Бас, бугун ҳам улар анави маъмуриятни ўз бурчига амал қилиб, ўқитувчиларга адолат қилишга ва таълим жараёнини қайта йўлга солишга мажбурлашга қодирдирлар.
Ушбу муборак заминда фаолият қилаётган Ҳизб ут-Таҳрир Уммат тарафида бўлиб, унинг ғам-ташвишларига шерикдир. Ҳизб Уммат манфаатларини қабул қилиб, мустамлакачилар режаларини фош этмоқда. Зеро, Ҳизбнинг иши шу. У бунинг эвазига оёқлари ликиллаб қолган ҳокимиятга чиқишни ҳам, бирор дунёвий манфаатга эришишни ҳам асло кўзламайди. Аксинча, унинг ташвиши Умматимиз, аҳлимиз ва фарзандларимиздир. Ҳизб Фаластиндаги таълим сектори юз тутган фалокатни кўриб, аҳлимиз билан бирга ҳаракат қилмоқда. Бу ҳаракат фарзандларимизни мактабларига қайтариш ва ўқитувчилар томонида туришга қаратилган. Шунингдек, уларнинг ўз ҳуқуқ ва адолатларига эришишлари ҳамда ҳуқуқлари поймол бўлмай, мактабларига қайтиб, фарзандларимизни ўқитишдек ўз вазифаларини давом эттиришлари учун қўллаб-қувватлаш ҳам мақсад қилинган.
Шунинг учун Ҳизб ут-Таҳрир Фаластин аҳли билан биринчи сафда туриб, уларни Фаластин маъмуриятини ўқитувчилар олдидаги мажбуриятини бажаришга мажбурлашга чақиради. Ҳизбнинг бу ишдаги нияти битта. У ҳам бўлса, Аллоҳ Субҳанаҳу ва Таолонинг розилигига эришишдир.
Роя газетасининг 2023 йил 15 март чоршанба кунги 434-сонидан
