Ҳизбут Таҳрирнинг Ироқдаги матбуот бўлими
Матбуот баёноти
Навбатдаги фитна ва бир юрт вакиллари ўртасига ёвлик уруғини сепиш қадимги Оли Саъдун уруғларини Ироқ жанубидаги Носирия ва Басра муҳофазасидаги ватанларидан кўчиришда намоён бўлди. Улар бу ерларда бир неча юз йиллардан бери яшаб келар эди. Ахборот агентликларига кўра уларни кўчириш учун уларга ўлдириш, ерларни босиб олиш билан таҳдид қилинган. Агар чиқиб кетмасалар ўлимга дучор қилинишлари ҳақида ёзилган варақаларни ташлашган.
Бу воқеаларга ҳукумат жим қараб турибди ва уни билмасликка оляпти. Хавфсизлик кучлари ҳам кўриб, эшитиб турибди. Бу жиноятларни эмин-эркин ҳаракат қилаётган қуролли гуруҳлар амалга оширмоқда, улар ҳокимият ё қонун билан ҳисоблашмайди. Иш бу билангина чекланиб қолмади. Бундан олдинроқ Диёли муҳофазасида ва Бағдод камари деб танилган минтақаларда аҳоли хавфсизлик кучларининг қуршовига ва тасодифий босқинига учраган. Бунинг натижасида юзлаган одам террор банди билан қамоққа олинган. Махфий қолаётган ишлар эса бундан каттароқ.
Эй Ироқ халқи
Босқинчи Америка тарафидан мажбуран ўрнатилган ҳукумат Аллоҳнинг бандаларига нисбатан Аллоҳни рози қиладиган ишларни асло қилмайди. Бу ҳукуматнинг ёмонлиги оммалашиб кенгайди. Унинг бадбўй ҳиди барча тармоқлардан анқимоқда. Одамлар хавфсизлиги издан чиқди, кун ора портлатишлар амалга ошмоқда, бегуноҳ одамлар ҳеч бир исботсиз қамоққа олинмоқда. Умумий бойликлар ҳеч бир хижолатсиз талон-тарож қилинмоқда. Булар Аллоҳга ва охират кунига имон келтирмаган бутпараст ҳокимлар тарафидан амалга оширилмоқда. Аҳолининг учдан бири қашшоқликнинг энг қуйи даражасида кун кечиряпти. Ҳокимлар эса шундан кейин ҳам худди олтин даврда яшаётгандек янги вилоятларни талаб қилишяпти. Буларга Набий а.с.нинг ушбу сўзлари тўғри келади:
«إِذَا لَمْ تَسْتَحْيِ فَاصْنَعْ مَا شِئْتَ»
«Агар уялмасанг хоҳлаган ишингни қилавер». Эй мусулмонлар Сизлар умид қилаётган тинч-фаровон турмушни бундай золим ҳукумат таъминлаб бера олмаслигини тушуниб етмадингизми? Улар ўз халқини айбдор қилиш учун ҳар қандай имкониятдан фойдаланади ва энг жирканч ишларни амалга оширади. Улар худди уларнинг ўртасида ўчмас интиқом бордек халққа таҳдид қилади. Бас энди сизлар тоифачиликни кучайтираётган ҳокимларни Ислом шариати билан ҳукм юритадиган ҳокимларга алмаштиринглар. Шунда сизлар тўғри йўлни тутувчи Халифалик соясида тинч-фаровон турмуш кечирасизлар. Дарҳақиқат Расулуллоҳ а.с. солиҳ ҳокимлар билан ёвуз ҳокимлар ўртасидаги танлов ихтиёрини бизга бердилар. Расулуллоҳ а.с. дедилар:
«خِيَارُ أَئِمَّتِكُمُ الَّذِينَ تُحِبُّونَهُمْ وَيُحِبُّونَكُمْ، وَيُصَلُّونَ عَلَيْكُمْ وَتُصَلُّونَ عَلَيْهِمْ، وَشِرَارُ أَئِمَّتِكُمُ الَّذِينَ تُبْغِضُونَهُمْ وَيُبْغِضُونَكُمْ، وَتَلْعَنُونَهُمْ وَيَلْعَنُونَكُمْ»
«Имомларингизнинг яхшилари сизлар уларни яхши кўрадиган, улар ҳам сизларни яхши кўрадиган, улар сизларнинг ҳаққингизга дуо қиладиган, сизлар ҳам уларнинг ҳаққига дуо қиладиганларидир. Имомларингизнинг ёмонлари сизлар уларни ёмон кўрадиган, улар ҳам сизларни ёмон кўрадиган, сизлар уларни лаънатлайдиган, улар ҳам сизларни лаънатлайдиганларидир».
Ҳизбут Таҳрирнинг
Ироқдаги матбуот бўлими
