Россия Ҳалаб аҳли иродасини синдириш учун ёлғонлар тўқишни омадсизларча давом эттирмоқда
Россиянинг АҚШ буйруғи билан Сурияда шафқатсиз ҳужумларни бошлаганига бир йилдан ортиқ вақт ўтди. Шундан буён Россиянинг ўзига топширилган ифлос вазифани амалга ошириш учун олиб бораётган сиёсати ўзгармади. Россияга жонлигу жонсиз нарсаларни бомбалаш, турмуш воситаларини турли русумдаги қирғин қуроллари ёрдамида вайрон қилиш орқали сабрли қўзғолончилар иродасини синдириш вазифаси юкланган эди. У вақти-вақти билан (миналаштирилган, яъни қўққисдан портлаши мумкин бўлган) «гуманитар пауза»ни эълон қилди. Бундай макр ва жиноят Шом аҳлини умидсизликка тушиб таслим бўлишга ҳамда Американинг заҳри қотил ечимига бўйин эгиб рози бўлишга мажбур қилар деган умидда у бу «гуманитар пауза»ни ўзи хоҳлаган пайтда эълон қилди, хоҳлаган пайтида муддатини узайтирди ва хоҳлаган пайтида уни бекор қилди.
Очиқ кўриниб турибдики, ҳар сафар бирор ташаббусни кўтариб чиқиш ёки конференция ўтказиш каби халқаро сиёсий фаолият бўладиган бўлса албатта ундан олдин телбаларча бомбалаш жинояти содир этилади. Бу жиноятга сукунат, уни тўхтатиш учун бирор иш қилмаслик ҳамда АҚШ ва Ғарбнинг ҳаловатини бузган қўзғолонни бўғизлаб ташлаш учун халқаро тил бириктирув ҳамроҳлик қилади… Чунки тўкилаётган қон мусулмонлар қонидир…
Яна шу ҳам маълумки, қонхўр режим ўзи учун сулҳ ва офат келтирувчи музокаралардан ҳам ўткирроқ ва тинчроқ қурол йўқ, деб билмоқда, чунки шулар орқали у минтақа кетидан минтақаларни босиб оляпти ёки қамал қилиб, вайрон этяпти, ортидан бошқа минтақага ўтяпти…
Юқорида айтилганлардан демак, Россиянинг давъоларини ва бир неча кун олдин қилган эълонини тушуниш мумкин. У «гуманитар пауза»га рози бўлганини, «тинч йўлаклар» очиб, у ерлардан қуролли кишиларни Ҳалаб шаҳридан чиқишга чақираётганини, бу қуролли кишилар қамалда қолганлари сабабли катта зиён кўрганликларини даъво қилди. Бир вақтнинг ўзида, бир неча қуролли гуруҳлар Ҳалабдаги биродарларини қамалдан қутқариш учун жанг бошлаганликларини эълон қилди. Рейтер ахборот агентлигига кўра, Россия «чоршанба куни Ҳалабда қамалда қолган Сурия мухолафати кучларидан жума куни кечки пайт шаҳарни тарк этишни талаб қилган ва Россия шаҳар ичкарисидаги нишонларга қарши ҳаво ҳужумларини тўхтатиб, бу муддатни узайтириши мумкинлигини таъкидлаган». Россия мудофаа вазирлиги мухолафат жангчиларига 4 ноябр куни маҳаллий вақти билан соат 09:00дан 19:00га қадар икки йўлакдан қуроллари билан бирга тинч чиқиб кетишга рухсат берилганини маълум қилди. Бундан олдин чоршанба куни эса айни вазирлик жанг пайтда мухолафат жангчилари катта зиён кўрганини ва улар амалий қамал ҳолатда эканликларини хабар қилган эди. Кейин «мухолафат жангчиларининг Ҳалабда ғалаба қозонишга бўлган барча уринишлари муваффақиятсиз чиққани»ни қўшимча қилди.
Ҳа, Россия сулҳ орқали европаликлар ғазабини пасайтиришга уринмоқда. Бироқ шунга қарамай, унинг баёнотлари ёлғон эканини Сурия майдонидаги воқелик очиб қўймоқда. Россия ёлғонларини фош этаётган воқелик қуйидагилардан иборат: Қамал қилинган Ҳалаб ичкарисидан чиққан жуда кўп видеоларда Ҳалаб аҳлининг сабот билан турганликлари, ҳимматлари олийлиги намоён бўлган, улар то динлари, юртлари ва номуслари мудофааси йўлида шаҳид бўлмагунларича у ердан чиқмасликларини таъкидлаганлар;
- Жанг майдонида мустаҳкам турган бир неча гуруҳлар қатор баёнотлар чиқариб, бу баёнотларда Ҳалабдан чиқишга рози эмасликларини, АҚШ билан Россиянинг мухолафатни мўътадиллар ва террорчиларга бўлиш зарурлигига, буни бўлиш қийин бўлаётганига оид бемаъни томошаларини фош қилганликларини таъкидлаганлар;
- Бирорта ҳам гуруҳ томонидан сулҳга рози бўлганига оид баёнот чиқарилмаган; қамални бузишга келишиб олган жангчиларда кучли ақида мавжуд, улар аввало Аллоҳга таваккал қилиб, бунга керакли сабаблар ва яхши тайёргарликларни кўрмоқдалар;
- Россия мудофаа вазирлиги бундай баёнот берди: «Ҳалабдаги Кастелла орқали ғарбий қисмдаги қуролли гуруҳлар қилган бомбардимон оқибатида Россиянинг Сурияда сулҳни мувофиқлаштирувчи марказидаги рус ҳарбийлари жароҳат олдилар», кейинчалик улардан бошқа минтақада ҳам жароҳат олганлар бўлди;
- Қамал ичкарисида қамални бузиш учун ҳаракат қилаётган гуруҳлар билан ўзаро мувофиқлаштирилган амалиётлар ўтказилди; бу гуруҳлар ўтган пайшанба куни душман қалбини зир титратдилар, зотан, бундан олдин қўзғолончилар кутилмаганда янги Ҳалаб маҳалласига ҳужум қилиб, душмандан бир нечтасини ер тишлатган эдилар;
- Холис жангчилар қонхўр режимнинг қамал қилинган шаҳар тарафидан бир неча жабҳаларга қилган ҳужумларини тўсишга муваффақ бўлдилар;
Қонхўр режим ҳаводан варақалар ташлаб, унда одамларни «Сурия армияси мардлари» етиб келмасидан олдин таслим бўлишга чақирди, натижада эса ўша «мардлар» ҳаммага масхара бўлишларига ва ижтимоий алоқа воситаларида латифага айланишларига тўғри келди;
- Режим анчадан бери мобил телефонлари орқали «Асад-шер савлати олдида мушук каби миёвлайсанлар», деган билдирувни тарқатиб келмоқда. Аммо бу Ҳалаб аҳлида Аллоҳнинг нусрати ва Аллоҳнинг изни ила фатҳ яқинлигига бўлган ишончларини янада мустаҳкамламоқда, холос;
- Ҳатто ахборот воситаларининг рус кемалари, турли русумдаги бомбардимончи учоқлар ва бомбалар келгани, минглаб янги рус аскарлари етиб келгани тўғрисида тинмай хабар тарқатиши ҳам боши берк кўчага кириб қолган русларнинг ўзига тескари таъсир кўрсатмоқда. Чунки улар 14 ойдан бери мақсадларига эришолганлари йўқ, бу «рус айиғи» америкаликлар қўлидаги сариқ чақага ёлланган қотиллардан бошқа нарса эмасликларини ўзлари ҳам тушунишмоқда;
- Қамални ёриб кириш жангини де Мистура тилидан «нопок иш», дейилмоқда. Бунинг боиси шуки, бу фақат қамални ёриб кириш жангигина эмас, балки Америка иродасини синдирувчи жангдир ҳамда АҚШ бошлаган сиёсий ечимга ҳам, БМТ раҳнамолик қилаётган музокараларга ҳам, унинг шериги руслар билан қонхўр режимнинг қуролланганларнинг Ҳалабдан чиқишлари эвазига, бомбардимонни тўхтатишга ва инсонпарварлик ёрдамларини киритишга оид ваъдаларига ҳам рози бўлмаслик жангидир… Барчамизга сир эмаски, Россия АҚШ режаларига қаршилик қилаётган жангчилардан Ҳалабни бўшатиш учун сохта сулҳ муваффақиятига эришиш йўлида ўлиб-тирилмоқда. Шу орқали Американинг де Мистура тилидан тинмай «Сурия илмоний давлатдир, ҳокимият бўлишиш давлатидир», дейилаётган қаттол ечимни зўрлаб ўтказишига қулайлик яратиб бермоқчи. Шунинг учун Россиянинг Ҳалаб аҳли ва жангчи гуруҳларнинг шаҳардан чиқишларига бўлган ишончи пучга чиққач, режим ва уларнинг ортида турган АҚШ билан биргаликда навбатдаги уринишни, яъни сулҳ муддатини узайтиришни бошлади… Россия шу орқали уларни шаҳарни ташлаб чиқишга авраб, қамални бузиш ҳаракатларидан чалғитмоқчи. Чунки улар қамални синдиришга ва АҚШ билан унинг малайларию гумашталари ҳайбатини парчалашга уринаётган бошқа жангчи гуруҳлар билан мувофиқлашган ҳолда шиддат билан ҳаракат қилмоқдалар…
- Россиянинг шифохоналар, мактаблар, бозорлар, иситкич печлари ва шаҳар аҳолиси ҳаёти билан боғлиқ барча жойларни бомбардимон қилиши халқ иродасини синдиришга бўлган арзонгаров бир услубдир. Бироқ у, ҳар қанча қурбонлик талаб қилмасин, Аллоҳдан ўзгага тиз чўкмасликка онт ичган халқдир.
Шунга диққатни қаратмоқ лозимки, Американинг Россия билан келишувни тўхтатганини эълон қилиши шармандаларча муғомбирликдир. Шу орқали у жиноятларга Россияни балогардон қилиб, ўзи сувдан қуруқ чиқмоқчи. Ваҳоланки, аслида, бу жиноятлар ортида ўзи турибди… Зеро, Ҳалаб аҳли мудом сабот билан туриб, хоинлик кўчасига кирмаётган эканлар ҳамда шунча тўккан қонларию берган шунча жонларини беҳуда кетказувчи таслим бўлиш ечимларига рози бўлмаётган эканлар, шубҳасиз, Ҳалаб устидан душман жиноятлари ортгандан ортавериши мумкин…
Шундай экан, Ҳалабдаги аҳлимиз ва Шом заминидаги бошқа биродарларимиз, сабр қилинг, Аллоҳнинг изни ила, жуда оз қолди! Бу жинояткорлар Сизга қарши турли қуролларини ишга солишди, макр қилишди, сизни машаққатли қамалга, қирғинбарот бомбардимонларга, ҳижрат азоб-уқубатларига, айрилиқ ғамларига рўпара қилишди, аммо сиз собит турдингиз ва Аллоҳнинг фазлини, ёрдамини умид қилдингиз. Биз сиз ҳақингизда Росулуллоҳ Aнинг
«طُوبُى لِلشَّامِ»
«Шом аҳлига жаннат бўлсин», дея қилган марҳаматларини ҳамда
«إذَا فَسَدَ أهْلُ الشَامِ فَلاَ خَيْرَ فِيكُمْ»
«Қачон Шом аҳли бузилса, сизларда яхшилик йўқ», деган сўзларини эътиборга олсак, чамаси, Аллоҳ сизни буюк бир ишга ҳозирлаётган кўринади… Шунинг учун собит туриб, Аллоҳнинг ваъдасига, нусратига, ғолиб қилишига чуқур ишончда бўлинг, қийинчилик ортида албатта енгиллик бор. Ким бу ер юзи бузғунчилари олдида олти йил собит турибдими, демак, берган қурбонликлари хотимаси албатта Аллоҳ ризоси бўлажак. Шуни билингки, аслида Ҳалаб жанги у ердаги ҳаракат оқимини тузатиб олиш учун, кейин эса холис кучларни Аллоҳни рози қилувчи ишларга жамлаб, у ердан пойтахт томон оқиб бориш учун ташланаётган қадамдир. Чунки ҳадисда айтилган ҳал қилувчи қонли жанг Ҳалабда бўлади, режим ағдарилиши ва Ислом бошқаруви ўрнатилиши ҳам ўша ерда бўлади. Бу эса то Аллоҳнинг Ўзига таянилмагунча, Ғарб ва унинг малайлари билан бўлган ҳамма алоқа ипларини узиб ташланмагунча ҳаргиз амалга ошмайди. Берилган қурбонликлару шаҳидлар қонининг душманлар томонидан Женева каби анжуманларда арзонгаровга сотилиб, фойдаланилишидан, шу билан зое кетишдан албатта сақлаб қолмоқ лозим. Албатта Шом аҳли имон ва холисликлари билан ҳамда ўзларига қарши тўқилаётган тил бириктирувларни, макрларни англашлари билан АҚШ ва унинг Россия каби малайларининг, Эрон, Ливан каби ёлланган малайларининг юзига қарата столни тўнтариб ташламоққа қодирдирлар, бу жинояткорлар исташмаса-да, Шомни аввалги ҳолатига, яъни Пайғамбарлик минҳожи асосидаги рошид Халифаликни барпо қилиш орқали Шомни ботил ва унинг аҳли ер тишлаб қоладиган Исломнинг асл марказига айлантирмоққа қодирдирлар. Инша Аллоҳ, бу албатта амалга ошажак, бу каби иш учун амал қилувчилар амал қилиб қолсинлар. Аллоҳ Таоло бундай деди:
وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ
«Аллоҳ сизлардан имон келтирган ва яхши амаллар қилган зотларга худди илгари ўтган зотларни (ер юзига) халифа-ҳукмрон қилганидек уларни ҳам ер юзида халифа қилишни ва улар учун Ўзи рози бўлган (Ислом) динини ғолиб-мустаҳкам қилишни ҳамда уларнинг (аҳволини) хавфу-хатарларидан сўнг тинчлик-хотиржамликка айлантириб қўйишни ваъда қилди. Улар Менга ибодат қилурлар ва Менга бирон нарсани шерик қилмаслар. Ким мана шу (ваъда)дан кейин куфрони (неъмат) қилса, бас улар фосиқлардир» [Нур 55]
Носир Шайх Абдулҳай
