Россия Ташқи ишлар вазири Сергей Лавров Ўзбекистон президенти Ислом Каримовни ШҲТ ТИВ раҳбарлари кенгаши йиғилиши юқори даражада ўтказилгани муносабати билан табриклади.
Ўзбекистон президенти Ислом Каримов Россия ТИВ раҳбари Сергей Лавровни Тошкентда ўтказилган ШҲТ ТИВ раҳбарлари кенгаши йиғилишидан кейин учрашув ўтказишга таклиф қилди.
“Аввало сиз билан бугуннинг асосий воқеаси бўлган ШҲТ ТИВ раҳбарлари кенгашининг йиғилиши якунларини муҳокама қилмоқчиман. Ўйлайманки, баъзи саволлар туғилган ва баъзи масалаларда фикрлар алмашишимиз керак”,- деди Ўзбекистон президенти.
“Фурсатдан фойдаланган ҳолда президентингиз Путинга унинг Москвадаги илиқ қабули учун яна бир бор ташаккур йўллайман”,- дея қўшимча қилди Ислом Каримов.
Каримовнинг сўзларига кўра, “Путин билан учрашув муҳим масалаларни муҳокама қилиш имкониятини яратган ҳолда ўта фойдали кечган”.
“Расмий протоколдан ташқари самимий руҳда суҳбат қурганимиз ажойиб бўлди. У ҳам ўша вақтда Москвага энди учиб келганди, мен ҳам Москвага боришим билан ўзаро учрашув бошлади ва мен унинг ишчанлигини яна бир бор эътироф этдим. У билан ўзаро муносабатлардаги бир қатор муҳим масалаларни муҳокама қилганимиз учун унга миннатдорчилик билдираман”,- деди Ислом Каримов.
Ўз навбатида, Россия ташқи ишлар вазири Ўзбекистон раҳбарини ШҲТ ТИВ раҳбарлари кенгашининг Тошкентдаги йиғилиши ажойиб ташкиллаштирилгани билан табриклади.
“Июн ойида Ўзбекистон пойтахтида ўтадиган саммит тарихий аҳамиятга эга бўлади. Унда Ҳиндистон ва Покистоннинг ШҲТдаги мажбуриятлари ҳақидаги меморандумлар имзоланиши эътиборга моликдир”,- дея қайд этиб ўтди Сергей Лавров.
Туркистон:
Сўнги вақтларда Россиянинг Марказий Осиёда айнан терроризмга қарши ҳаракат ва юришлари кучайиб бораяпти. Лавровнинг Ўзбекистонга келиши, аввалроқ Каримовни Москвага ташрифи, рус делигациясини Тожикистонга келиши…..
Нега айнан терроризмга қарши? Россия ва Марказий Осиё мамлакатларида иқтисодий ва сиёсий муаммолар тўлиб тошиб бораяптику. Бундан ташқари, Ғарб системаси бу давлатларда ўзининг сақофий таъсирини кучайтириб бораяпти. Бу эса, Россиянинг бу юртлардаги, асрлар мобайнида босиб олган сақофий мустамлака таъсирини суриб чиқариб юборади. Россия негадир, Ғарбнинг Марказий Осиёдаги сақофий, иқтисодий ва ҳатто сиёсий соҳаларда мустамлака қилиш услубларига қарши бирор чора тадбир кўриш ҳақида ҳатто фикрламай қўйди. Эътибор берсангиз, унинг матбуот механизми фақат Россияга қарши бораётган Ғарб матбуот ҳужумларидан ҳимояланиш асосига қурилиб қолди. Россия ўзининг мустамлака мамлакатлари ҳақида, уларни ўз таъсири остида ушлаб қолиш учун уларга бирор янги умид пайдо қилиши мумкин бўлган лоиҳалар таклиф эта олмайдиган ҳолатга тушиб қолди. Шунинг учун у фақат терроризмни ваҳима қилиб, Тожикистон, Қирғизистон сингари баъзи заиф юртларни ҳарбий таҳдидлар билан қўрқитиб келаяпти. Ўзбекистонга эса, иқтисодий манфаатлар таклиф қилиб, ўзига ром қилишга ҳаракат қилаяпти. Чунки Каримов Ўзбек халқини пахта манаполиясидан озод қилиб, мева сабзавод манаполиясига мажбурлаб тиқиб юборди. Россия бозорларисиз, Ўзбек мавалари ҳароб бўлади.
Терроризм эса, Америка ўйлаб топган, лекин ҳозир Россия кўтариб олган бир байроқдир. Бу байроқ остида ҳеч қандай ваҳима йўқ. Буни барча мамлакат етакчилари ва сиёсатчилари яхши билишади. Фақат шу ёлғон чақирув ва қалбаки байроқ остига киришдан бош тортишса, Россия ёки Ғарб давлатлари ўзлари шу байроқ номидан қўпорув амалиётлари уюштиришади. Мана шу ваҳиманинг асл ҳақиқати. Бутун дунё мамлакатларини фақат шу ифлос кучлар, оламий куфр системаси билан қўрқувда ушлаб келишади.
АҚШ ёки Ғарб олами учун Россия деярли ваҳима туғдириши мумкин бўлган жиддий рақиб бўлмай қолди. Улар худди Афғонистон инфраструктурасини рослаш ишларида Ўзбекистондан фойдаланишгани каби, Марказий Осиё мамлакатларида Россиядан фойдаланишмоқчи. Чунки бу минтақа Россия ва Хитой билан алоқа қилишга мажбур бўлган гиографик ҳудудда жойлашган. Россия эса, ҳозирги ҳолатида, ушбу мамлакатларга инвестиция олиб кира олмайди. У фақат булар учун ўз бозорларини очиб бера олиши мумкин холос. Россия кенг бозорга айланиб бораяпти. Ҳатто Ўзбекистон унга, ўз товарларини экспорт қилиб олишда кенг истеъмолчи сифатида қараяпти.
АҚШ Россиядан Сурияда ҳарбий босқинчи сифатида фойдаланиб келаётганидек, Марказий Осиёда ҳам манфаатли соҳаларда ўзига ҳамкор қилмоқчи бўлаяпти. Фақат ҳаддидан ошиб кетмаса, АҚШ буларнинг ҳамкорликларига кучли қаршилик кўрсатмайди. Бу иш худди, Руслар Асадни ҳимоя қилиб беришлари билан, Американинг манфаатига итдек иш қилиб берганига ўхшайди. Ўшанда ҳам “ИШИД” ваҳимаси кўтарилган эди.
Россия эса, жараёнларда қандайдир ўзини иштирок этаётгандек кўрсатиб туришга ҳаракат қилаяпти. Аслида унинг ички сиёсати жуда хавфли аҳволда қолди. Россия яқин келажакда оёққа туриб олиши қийин. Путин Россиянинг ташқи сиёсатини АҚШни рози қиладиган, ҳеч бўлмаганда ғазаблантирмайдиган даражада олиб боришга мажбур.
